గడ్డ కట్టుకుపోయే వాతావరణంలో బికినీ పార్టీ.. వీడియో వైరల్

టామ్క్: సైబిరియాలోని టామ్క్ నగరంలో కొందరు వ్యక్తులు ఇటీవల బికినీ పార్టీని నిర్వహించారు. దీనికి సంబంధించిన వీడియో ప్రస్తుతం సోషల్ మీడియాలో వైరల్‌గా మారిపోయింది. పూర్తి వివరాల్లోకి వెళ్తే.. సైబిరియాలో వాతావరణం ప్రస్తుతం గడ్డ కట్టుకుపోయేలా ఉంది. -39 డిగ్రీల వాతావరణం ఉన్నప్పటికి కొందరు వ్యక్తులు టామ్క్ నగరంలో బికినీ పార్టీని నిర్వహించారు. ఓ వ్యక్తి పుట్టినరోజు సందర్భంగా ఈ పార్టీని ఏర్పాటు చేసినట్టు తెలుస్తోంది. ఇక ఈ బికినీ పార్టీలో పదుల సంఖ్యలో యువతులు బికినీలపై యువకులతో సందడి చేశారు. అనంతరం పార్టీ వీడియోను ఇన్‌స్టాగ్రామ్‌లో పోస్ట్ చేయగా.. అది కాస్తా ట్రెండింగ్ అయిపోయింది. ఒకపక్క మంచు పడుతున్నా బికినీ పార్టీని నిర్వహించడంపై కొంతమంది ప్రశంసిస్తుంటే.. మరి కొంతమంది మాత్రం ఇవేం పనులంటూ విమర్శలు గుప్పిస్తున్నారు.