తొమ్మిది నెలలు కూతురిని ఒకే గదిలో బంధించిన తండ్రి.. సౌదీలో..

దుబాయి: సౌదీ అరేబియాలో తొమ్మిది నెలలుగా ఒకే గదిలో బందీగా ఉన్న యువతిని హ్యూమన్ రైట్స్ కమిషన్(హెచ్ఆర్ఎస్) అధికారులు రక్షించారు. బాధితురాలి తండ్రే దారుణంగా తన కూతురిని ఇంట్లోని ఓ గదిలో బందీగా పెట్టినట్టు అధికారులు తెలిపారు. తొమ్మిది నెలలుగా బాధితురాలు భౌతికంగా, మానసికంగా చిత్రహింసలకు గురైందని అధికారులు చెబుతున్నారు. సోషల్ మీడియా ద్వారా యువతి పరిస్థితి తమకు తెలిసినట్టు పేర్కొన్నారు. సోషల్ మీడియాలో లభించిన సమాచారం ద్వారా తాము యువతి ఆచూకీ కనుగొన్నామన్నారు. కాగా.. యువతి మానసికంగా పూర్తిగా కోలుకునేందుకు ఆమెను పునరావాస కేంద్రానికి తరలించామని అధికారులు తెలిపారు. కన్నకూతురిని చిత్రహింసలు పెట్టిన తండ్రిపై కేసు నమోదుచేసినట్టు చెప్పారు.