పెళ్లి వేడుకలో మెరిసేందుకు!

ప్రతి ఏడాది పెళ్లి వేడుకల వేళ కొత్తగా ఫ్యాషన్‌గా ఉండే డిజైన్లు ఆకట్టుకుంటాయి. ఈసారి కూడా పెళ్లి సంబురాల్లో ప్రత్యేకంగా కనిపించేందుకు ట్రెండీ బ్లౌజ్‌ డిజైన్లు బోలెడున్నాయి. చీర, లెహెంగా మీదకు మ్యాంచింగ్‌గా, మంచి లుక్‌నిచ్చే ఈ ట్రెండీ బ్లౌజులతో బంధువులందరిలో మిన్నగా మెరిసిపోండి. 

హాఫ్‌ షోల్డర్‌ బ్లౌజ్‌: హాఫ్‌ షోల్డర్‌, ట్యూబ్‌ టాప్స్‌ ఇష్టపడే వారికి హాఫ్‌ షోల్డర్‌ బ్లౌజ్‌ చక్కగా సరిపోతుంది. లెహెంగా మీదకు లేదా చీర మీదకు డిజైన్డ్‌ హాఫ్‌ షోల్డర్‌ బ్లౌజ్‌ మంచి ఎంపిక.

హాఫ్‌ నెక్‌ బ్లౌజ్‌: నలుగురిలో ఆకర్షణగా నిలిచేందుకు లెహెంగా లేదా చీర మీదకు మ్యాచింగ్‌ హాఫ్‌ నెక్‌ బ్లౌజ్‌ ఎంచుకోవాలి. హెవీ చోకర్‌ లేదా పెద్ద చెవి రింగులు ధరిస్తే లుక్‌ అదిరిపోతుంది.

డీప్‌ వి నెక్‌ బ్లౌజ్‌: సింపుల్‌  లెహెంగా, చీర మీదకు రాళ్లు పొదిగిన, ప్రింటెడ్‌ బ్లౌజ్‌ చక్కగా ఉంటుంది. సాయంకాల వేళ జరిగే పెళ్లి వేడుకలో వి నెక్‌ బ్లౌజ్‌ ఫుల్‌ స్లీవ్‌ బ్లౌజ్‌ మీ అందాన్ని రెట్టింపు చేస్తుంది.

ఫుల్‌ స్లీవ్స్‌ బ్లౌజ్‌: చేతుల వరకు నిండుగా ఉండే ఈ బ్లౌజ్‌ ధరించినప్పుడు ఎక్కువగా ఆభరణాలు వేసుకోవాలి. జుంకాలు సింపుల్‌గా ఉన్నా పర్లేదు.