మేకప్‌ త్వరగా పూర్తవుతుందిలా!

ఆఫీసుకు వెళ్లే హడావిడిలో మేకప్‌ వేసుకోవడానికి ఎక్కువ సమయం దొరకదు. అలాంటప్పుడు తక్కువ సమయంలోనే మేకప్‌ పూర్తవ్వాలంటే కొన్ని విషయాలు గుర్తుపెట్టుకోవాలి. 

అవేమిటంటే... 

మల్టీ టాస్కింగ్‌ మాయిశ్చరైజర్‌: ఒకే మాయిశ్చరైజర్‌ మూడు బ్యూటీ ఉత్పత్తులుగా పనిచేస్తుంది. చర్మానికి తేమను అందించడం, సూర్యరశ్మి నుంచి రక్షణ ఇవ్వడం, చర్మాన్ని యవ్వనంగా ఉంచడం.. ఇలా మూడు విధాలుగా ఉపయోగపడే మాయిశ్చరైజర్‌ ఎంచుకోవాలి. విటమిన్‌ ఎ ఉన్న మాయిశ్చరైజర్‌ చర్మంపై ముడతలు, గీతలను మాయం చేస్తుంది.

కన్‌సీలర్‌: మఖం మీది మచ్చలను కప్పివేసేందుకే ఎక్కువ సమయం పడుతుంది. అయితే ముందుగా కన్‌సీలర్‌తో కళ్ల కింది మచ్చలను కవర్‌ చేయాలి. కొద్దిసేపటి తరువాత మేకప్‌ వేసుకోవాలి. ఆలోగా కన్‌సీలర్‌ను చర్మం గ్రహించి మృదువుగా మారుతుంది.  

కళ్లు కళగా: ఐ లైనర్‌, కనుబొమలు, కనురెప్పలు... ఈ మూడింటి మీద ప్రత్యేక దృష్టి పెట్టాలి. బ్రష్‌తో కనుబొమలను  చక్కగా దిద్దుకోవాలి. పై కనురెప్పలను లైనింగ్‌ చేసుకోవాలి. తరువాత కనురెప్పల మీదుగా కాటుక రుద్దుకోవాలి. 

గోళ్లు:  మెనిక్యూర్‌ చేసుకునేందుకు సమయం లేనప్పుడు బఫ్ఫింగ్‌ చేసుకోవాలి. దీంతో గోళ్లు ఆరోగ్యంగా మెరుస్తూ కనిపిస్తాయి. ఆ తరువాత హ్యాండ్‌ క్రీమ్‌ రాసుకోవాలి.