టీచర్ల బదిలీలకు ఉత్తర్వులు.. రెండేళ్ల సర్వీ్సతో బదిలీకి అర్హత
ABN , First Publish Date - 2020-10-13T14:04:02+05:30 IST
పాఠశాలల్లో పోస్టుల విభజన, టీచర్ల బదిలీలకు మార్గదర్శకాలతో కూడిన ఉత్తర్వులను సోమవారం పాఠశాల విద్యాశాఖ విడుదల చేసింది. విద్యాహక్కు చట్టం కింద ప్రభుత్వ పాఠశాలల్లో విద్యార్థులు-టీచర్ల నిష్పత్తి మేరకు ఉపాధ్యాయులను కేటాయిస్తున్నట్లు పేర్కొంది.
![టీచర్ల బదిలీలకు ఉత్తర్వులు.. రెండేళ్ల సర్వీ్సతో బదిలీకి అర్హత](https://media.andhrajyothy.com/appimg/galleries/202010130832185/10132020083352n1.jpg)
టీచర్లకు 8.. హెడ్మాస్టర్లకు ఐదేళ్లు నిండితే తప్పనిసరి బదిలీ
వెబ్కౌన్సెలింగ్ ద్వారా నిర్వహణ
స్టేషన్, సర్వీస్ పాయింట్ల వారీగా బదిలీలు
పోస్టుల విభజన, మార్గదర్శకాలు
అమరావతి, అక్టోబరు 12(ఆంధ్రజ్యోతి): పాఠశాలల్లో పోస్టుల విభజన, టీచర్ల బదిలీలకు మార్గదర్శకాలతో కూడిన ఉత్తర్వులను సోమవారం పాఠశాల విద్యాశాఖ విడుదల చేసింది. విద్యాహక్కు చట్టం కింద ప్రభుత్వ పాఠశాలల్లో విద్యార్థులు-టీచర్ల నిష్పత్తి మేరకు ఉపాధ్యాయులను కేటాయిస్తున్నట్లు పేర్కొంది. విద్యార్థుల సంఖ్యకు అనుగుణంగా టీచర్లను సర్దుబాటు చేస్తున్నట్లు తెలిపింది. జిల్లా కలెక్టర్ నేతృత్వంలోని జిల్లా స్థాయి కమిటీ ఇచ్చిన నివేదికల ఆధారంగా విద్యార్థులు, టీచర్ల నిష్పత్తి ప్రకారం సర్దుబాట్లు ఉంటాయని పేర్కొంది. ఈ నెల 1నాటికి రెండేళ్ల సర్వీసు పూర్తయిన ఉపాధ్యాయులకు బదిలీ కోరుకునే అర్హత కల్పించింది. బదిలీ దరఖాస్తులను ఆన్లైన్లో స్వీకరించనున్నారు. వెబ్ కౌన్సెలింగ్ ద్వారా బదిలీలు చేయనున్నారు.
ఇవీ నిబంధనలు
బదిలీలకు కనీస సర్వీసు 2 సంవత్సరాలు. గరిష్ఠ సర్వీస్ ఉపాధ్యాయులకు 8(18.11.2012కి ముందు), ప్రధానోపాధ్యాయులకు 5 విద్యా సంవత్సరాలు. ప్రతిభ ఆధారిత పాయింట్ల రద్దు. స్టేషన్, సర్వీస్ పాయింట్ల ఆధారంగా బదిలీలు. కేటగిరీ 1,2,3,4 వారికి సంవత్సరానికి 1,2,3,4గా కేటాయింపు. సర్వీస్ పాయింట్లు సంవత్సరానికి 0.5. అవివాహిత, స్పౌజ్కు 5 పాయింట్లు. రేషనలైజేషన్కు 5 పాయింట్లు. అంగ వైకల్యం 70ు పైబడిన వారికి ప్రాధాన్యం. 2 సంవత్సరాలలోపు పదవీ విరమణ చేయబోయే వారికి బదిలీ నుంచి మినహాయింపు. కాగా, పోస్టుల విభజనకు కటాఫ్ తేదీ కమిషనర్ నిర్ణయిస్తారు. 60 మంది విద్యార్థుల వరకు 2 ఎస్జీటీ పోస్టులు, 61 నుంచి 90 మంది వరకు విద్యార్థులకు 3 పోస్టులు, 91 నుంచి 120 మంది వరకు 4 పోస్టులు, 151 మందికి పైన ఉంటే అదనంగా ఒక పీఎస్ హెడ్మాస్టర్ పోస్టు కేటాయించారు.