మహిళను చంపిన కేసులో భారతీయ సంతతి వ్యక్తి అరెస్టు..

లండన్: మహిళను అత్యంత కిరాతకంగా చంపి ముక్కలు చేసి 2 సూట్‌కేసుల్లో పెట్టి పారేసిన కేసులో భారతీయ సంతతికి చెందిన ఓ వ్యక్తిని ఇంగ్లాండ్ పోలీసులు అరెస్టు చేశారు. ఈ కేసులో ప్రధాన నిందితురాలైన గరీకా కోనీట గోర్డాన్‌(27)కు హత్యా సమయంలో మహేశ్ సోరాతియా(38) సాయం చేసినట్లు తమ విచారణలో తేలిందని గ్లౌసెస్టర్‌షైర్ పోలీసులు తెలిపారు. ఈ మేరకు మహేశ్‌ను చెల్టన్‌హామ్ మెజిస్ట్రేట్ ముందు హాజరు పరచినట్లు పోలీసులు వివరించారు. 

స్థానిక డీన్ అడవిలో మే 12వ తేదీన ఓ మహిళ మృతదేహం తమకు లభ్యమైందని, రెండు ముక్కలుగా రెండు సూట్‌కుసుల్లో ఉన్న ఆ కళేబరాన్ని స్వాధీనం చేసుకుని విచారణ ప్రారంభించామని పోలీసులు తెలిపారు. కాగా ఆమె హత్య కేసులో గోర్డాన్‌ను ప్రధాన నిందితురాలిగా తేలిందని, అయితే ఆమెకు హత్యా సమయంలో మహేశ్‌ సాయం చేసినట్లు సాక్ష్యాలు లభించడంతో అతడిని కూడా అదుపులోనికి తీసుకున్నామని పోలీసులు వెల్లడించారు.