నాట్కో లాభంలో 73శాతం వృద్ధి

హైదరాబాద్‌ (ఆంధ్రజ్యోతి బిజినెస్‌):  రెండో త్రైమాసికానికి ఏకీకృత ప్రాతిపదికన నాట్కో ఫార్మా రూ.203.9 కోట్ల నికర లాభాన్ని ప్రకటించింది. ఏడాది క్రితం ఇదే కాలంలో ఆర్జించిన లాభం రూ.117.7 కోట్లతో పోలిస్తే 73.2 శాతం పెరిగిందని వెల్లడించింది. ఆదాయం కూడా 59.5 శాతం వృద్ధితో రూ.518.90 కోట్ల నుంచి రూ.827.90 కోట్లకు చేరింది. ఫార్ములేషన్ల ఎగుమతుల ద్వారా లభించిన ఆదాయం రూ.482 కోట్లు ఉండగా.. దేశీయ ఫార్ములేషన్ల విక్రయాల ద్వారా రూ.108 కోట్లు లభించినట్లు పేర్కొంది. ఏపీఐల ఆదాయం రూ.200 కోట్లు ఉంది. ప్రస్తుత  ఆర్థిక సంవత్సరానికి రూ.2 ముఖ విలువ కలిగిన ఒక్కో షేరుపై రూ.3 (150ు) మధ్యంతర డివిడెండ్‌ను కంపెనీ బోర్డు సిఫారసు చేసింది.