విశాఖ: పద్మనాభంలో వైసీపీ కార్యకర్తల అరాచకం

విశాఖపట్నం:  విశాఖలోని పద్మనాభం మండలంలో వైసీపీ కార్యకర్తలు అరాచకం సృష్టించారు. నామినేషన్ వేసేందుకు వచ్చిన అనంతవరం గ్రామానికి చెందిన ఎంపీటీసీ టీడీపీ అభ్యర్థిని వైసీపీ కార్యకర్తలు అడ్డుకుని నామినేషన్‌ పత్రాలను చించివేశారు. అధికారి దగ్గర నామినేషన్‌ పత్రాలు తీసుకుని మరీ వైసీపీ కార్యకర్తలు ఈ దారుణానికి పాల్పడ్డారు. దీంతో అక్కడ ఉద్రిక్త పరిస్థితులు నెలకొంది. నామినేషన్ దాఖలు చేసిన తర్వాత అధికారి వద్ద పత్రాలు తీసుకుని చించివేశారంటూ కార్యాలయం ఎదుట టీడీపీ నేతలు ఆందోళనకు దిగారు. వీరికి టీడీపీ నేత సబ్బం హరి మద్దతు పలికారు.