జగన్ లాంటి సీఎం ఎక్కడా ఉండరు: వంగవీటి
ABN , First Publish Date - 2020-02-08T21:15:55+05:30 IST
ముఖ్యమంత్రి వైఎస్ జగన్‌పై టీడీపీ నేత వంగవీటి రాధ తీవ్ర విమర్శలు చేశారు. జగన్ లాంటి సీఎం దేశంలో ఎక్కడా ఉండరని వ్యాఖ్యానించారు. శనివారం మందడంలో పర్యటించిన వంగవీటి రాధా అక్కడ రైతులు చేపట్టిన దీక్షకు సంఘీభావం
అమరావతి: ముఖ్యమంత్రి వైఎస్ జగన్‌పై టీడీపీ నేత వంగవీటి రాధ తీవ్ర విమర్శలు చేశారు. జగన్ లాంటి సీఎం దేశంలో ఎక్కడా ఉండరని వ్యాఖ్యానించారు. శనివారం మందడంలో పర్యటించిన వంగవీటి రాధా అక్కడ రైతులు చేపట్టిన దీక్షకు సంఘీభావం తెలిపారు. 53 రోజులుగా మహిళలు రోడ్డెక్కినా ప్రభుత్వంలో ఇసుమంతైనా చలనం లేదని, ప్రభుత్వం మూర్ఖంగా ముందుకెళ్తోందని విమర్శించారు. మంత్రి బొత్స సత్యనారాయణ, సజ్జల రామకృష్ణ, అజేయ కల్లం ఇష్టం వచ్చినట్లు మాట్లాడుతున్నారని, వారంతా ఎప్పుడైనా వ్యవసాయం చేశారా? అని వంగవీటి రాధా ఫైర్ అయ్యారు. 29 గ్రామాల్లోనే ఉద్యమం ఉందని అసత్యాలు ప్రచారం చేస్తున్నారని ధ్వజమెత్తారు. రాష్ట్ర ప్రజలంతా అమరావతినే రాజధానిగా కోరుకుంటున్నారని పేర్కొన్నారు.
