సోనూసూద్‌ను నేను ఇక విలన్‌గా చూడలేను: సోమిరెడ్డి
ABN , First Publish Date - 2020-07-27T16:01:40+05:30 IST
సోనూసూద్‌ను నేను ఇక విలన్‌గా చూడలేను: సోమిరెడ్డి
అమరావతి: మదనపల్లి రైతు కుటుంబానికి ట్రాక్టర్ పంపి అండగా నిలవడంతో పాటు అనేక సేవా కార్యక్రమాలతో రియల్ హీరోగా నిలిచిన సోను‌సూద్‌‌కు మాజీ మంత్రి సోమిరెడ్డి అభినందనలు తెలిపారు. ‘‘సోను సూద్ నేనైతే ఇక మిమ్మల్ని విలన్‌గా చూడలేను. సినిమాల్లో మీరు హీరో పాత్ర వేయాల్సిందే. టాటా, మహీంద్ర, ఇన్ఫోసిస్ వంటి సంస్థల దాతృత్వాలు చూశాం. ఒక వ్యక్తికి ఇంత పెద్ద హృదయం ఉంటుందని ఊహించలేదు. వలస కూలీలకు సాయం, మదనపల్లి రైతుకు ట్రాక్టర్, విద్యార్థులు స్వదేశం రావడంలో మీ చొరవ అభినందనీయం’’ అంటూ సోమిరెడ్డి కొనియాడారు.
