‘బ్రాల్‌‘ పరీక్షలో నారాయణ విద్యార్థి ప్రతిభ
ABN , First Publish Date - 2020-12-06T08:41:18+05:30 IST
యూరోపియన్‌ దేశాల సంయుక్త ఆధ్వర్యంలో నిర్వహించిన ఫిజిక్స్‌ ఆన్‌లైన్‌ బ్రాల్‌ అనే పరీక్షలో తమ విద్యార్థి సాయితేజ వారణాసి ప్రతిభ
హైదరాబాద్‌, డిసెంబరు 5 (ఆంధ్రజ్యోతి): యూరోపియన్‌ దేశాల సంయుక్త ఆధ్వర్యంలో నిర్వహించిన ఫిజిక్స్‌ ఆన్‌లైన్‌ బ్రాల్‌ అనే పరీక్షలో తమ విద్యార్థి సాయితేజ వారణాసి ప్రతిభ చాటారని నారాయణ గ్రూప్‌ మేనేజింగ్‌ డైరెక్టర్‌ డాక్టర్‌ పి.సింధూర నారాయణ తెలిపారు. ఇటీవలే జరిగిన ఈ పరీక్షలో సాయితేజతో పాటు మరో ఇద్దరు విద్యార్థులు బృందంగా ఏర్పడి పాల్గొన్నారని ఆమె శనివారం ఒక ప్రకటనలో తెలిపారు. ఇలాంటి పరీక్షల ద్వారా విద్యార్థుల ఐక్యూ కెపాసిటీ పెరుగుతుందని పేర్కొన్నారు. అంతర్జాతీయ స్థాయిలో జరుగుతున్న పోటీల్లో ప్రతిభ చాటిన సాయితేజ, బృందాన్ని సింధూర నారాయణ, ఎగ్జిక్యూటివ్‌ డైరెక్టర్‌ కె.పునిత్‌ అభినందించారు.
