కృష్ణ జిల్లాలో భారీ వర్షాలు

కృష్ణా: జిల్లాలో భారీ వర్షాలు కురిసాయి. మచిలీపట్నంలో సోమవారం ఉదయం నుంచి ఎడతెరిపి లేకుండా కురుస్తున్న వర్షానికి లోతట్టు ప్రాంతాలు జలమయం అయ్యాయి. ప్రధాన రహదారులపై వర్షపు నీరు నిలిచింది. ఇళ్లల్లోకి వర్షపు నీరు చేరడంతో జనం తీవ్ర ఇబ్బందులు పడుతున్నారు.

ఎగువ నుంచి వస్తున్న వరదతో ప్రకాశం బ్యారేజీ వద్ద కృష్ణానది ప్రవాహం కొనసాగుతోంది. ప్రకాశం బ్యారేజ్ వద్ద ఇన్‌ఫ్లో 2 లక్షల 15వేల క్యూసెక్కులుంటే.. అవుట్ ఫ్లో 2 లక్షల 5వేల క్యూసెక్కులుగా ఉంది. అటు డెల్టాసాగు, తాగునీటి అవసరాల కోసం కృష్ణా తూర్పు, పడమర కాలువకు 10వేల క్యూసెక్కుల నీటిని విడుదల చేస్తున్నారు.