‘ఏటీఎం’ డబ్బులు నొక్కేశారు

రూ.60.90 లక్షలు స్వాహా.. కడప జిల్లాలో ఇద్దరు అరెస్టు

మైదుకూరు, డిసెంబరు 27: కరోనా లాక్‌డౌన్‌ సమయంలో ఏటీఎంలలో డబ్బులు పెట్టకుండా రూ.60.90 లక్షలు స్వాహా చేసిన కస్టోడియన్లు ఎల్లాల జబీర్‌, సయ్యద్‌ అహ్మద్‌ను కడప జిల్లా పోలీసులు ఆదివారం అరెస్టు చేశారు. మైదుకూరు డీఎస్పీ విజయ్‌కుమార్‌ మాట్లాడుతూ.. జిల్లాలోని ఏటీఎంలలో డబ్బు పెట్టేందుకు ఓ ప్రైవేటు కంపెనీ కుదుర్చుకున్న ఒప్పందం మేరకు ఎల్లాల జబీర్‌, సయ్యద్‌ అహ్మద్‌, చిన్న వెంకట సుబ్బయ్య ఉద్యోగులుగా పనిచేస్తున్నారు. లాక్‌డౌన్‌ సమయంలో రూ.60 లక్షల 90 వేలను వీరు సొంతానికి వాడుకున్నట్లు సంస్థ బ్రాంచ్‌ మేనేజర్‌ మురళి ఈ నెల 27న పోలీసులకు ఫిర్యాదు చేయడంతో వారి నుంచి 10 లక్షల నగదు, బైక్‌, 7 లక్షల విలువైన షేర్‌ మార్కెట్‌ బాండ్లను స్వాధీనం చేసుకున్నట్లు డీఎస్పీ తెలిపారు. మరో నిందితుడు చిన్న వెంకటసుబ్బయ్య సుమారు రూ.25 లక్షలు వాడుకున్నాడని, ఈ నెల 15న విషం తాగి ఆత్మహత్య చేసుకున్నట్లు డీఎస్పీ తెలిపారు.