ఆయుష్‌ వైద్యులకు 60 ఏళ్లే

పదవీ విరమణ వయసు 63 నుంచి 60కి కుదింపు

అమరావతి, అక్టోబరు 23(ఆంధ్రజ్యోతి) ఆయుష్‌ విభాగం వైద్యుల పదవీ విరమణ వయసును ప్రభుత్వం 60 ఏళ్లకే ప రిమితం చేసింది. ఈ మేరకు ఆరోగ్యశాఖ ముఖ్య కార్యదర్శి అనిల్‌కుమార్‌ సింఘాల్‌ శుక్రవారం ఉత్తర్వులు జారీ చేశా రు. ఆయుష్‌ వైద్యుల పదవీ విరమణ వయసును 60 నుంచి 63 ఏళ్లకు పెంచుతూ గతంలో ఇచ్చిన జీవో 97ను రద్దు చే శారు. తాజా నిర్ణయంతో 60 ఏళ్లు దాటిన వైద్యులంతా రిటైర్‌ కావాలి.

గతంలో ప్రభుత్వం వైద్య, ఆరోగ్యశాఖలో వైద్యులందరికీ విరమణ వయసు 63 ఏళ్లకు పెంచింది. దీనివల్ల డీఎం ఈ, డీహెచ్‌, ఏపీవీవీపీ వైద్యులు లబ్ధి పొందారు. ఆ సమయంలోనే ఆయుష్‌ వైద్యులకు కూడా విరమణ వయసును పొడిగించినా ఆర్థికశాఖ అనుమతి తీసుకోలేదు. ఇప్పుడు ఆ జీవోను ప్రభుత్వం రద్దు చేసింది.