ప.గో.జిల్లాలో పవన్ వారాహి విజయభేరి సభ

ప.గో. జిల్లా: చింతలపూడి లిఫ్ట్‌ ఆపింది ముమ్మూటికీ సీఎం జగనేనని జనసేన అధినేత పవన్‌ కల్యాణ్‌ విమర్శించారు. పోలవరం నియోజకవర్గం కొయ్యలగూడెంలో మంగళవారం వారాహి విజయభేరి సభ నిర్వహించారు. ఈ సందర్భంగా పవన్‌ మాట్లాడుతూ.. జగన్‌ కుల కక్ష వల్లే చింతలపూడి లిఫ్ట్‌ను ఆపేశారని, అమరావతిని కట్టలేదని.. చింతలపూడిని కట్టనివ్వలేదని.. కొన్ని కులాలకు లబ్ధి చేకూరుతుందనే జగన్‌ ఇదంతా చేశారని తీవ్రస్థాయిలో విమర్శించారు. జగన్‌కు ఓటేసి గెలిపిస్తే మనకు వారసత్వంగా వచ్చే భూములుండవని అన్నారు. పాస్‌ పుస్తకాలపైన, సరిహద్దు రాళ్లపైన జగన్‌ బొమ్మ ఎందుకు.. మన ఆస్తుల ఒరిజినల్స్‌ వారి వద్ద ఉంటాయట.. మన ఆడ పిల్లలకు ఆస్తి పత్రాల కింద జిరాక్స్‌లు ఇవ్వాలట.. ఈ జిరాక్స్‌ పత్రాలతో ఏ బ్యాంకు వాడైనా, వడ్డీ వ్యాపారియైనా మనకు అవసరానికి అప్పు ఇస్తాడా ?.. ఐదేళ్లకే ఇంత విధ్వంసం మరో ఐదేళ్లు భరించలేమని.. కూటమికి ఓట్లు వేసి గెలిపించాలని పవన్ కల్యాణ్ పిలుపిచ్చారు.