వాకింగ్‌‌ చేసేటపుడు..  ఈ తప్పులు చేయకండి..

వాకింగ్ చేసే సమయంలో చేసే కొన్ని తప్పులు మొదటికే మోసం తీసుకొస్తాయి. మీరు కూడా ఆ తప్పులు చేస్తున్నారేమో సరి చూసుకోండి.. 

వాకింగ్ చేసే సమయంలో బూట్లు ధరించాలి లేదా ఏవీ వేసుకోకుండా నడవాలి. చెప్పులు వేసుకుని ఎక్కువ దూరం నడిస్తే మోకాళ్ల నొప్పులు వస్తాయి. 

వాకింగ్ చేసే సమయంలో కిందకు చూసి, వంగినట్టు నడవడం వల్ల మెడనొప్పి, నడుం నొప్పి మొదలవుతాయి. తలను నిటారుగా పెట్టి నడవాలి. 

వాకింగ్‌కు ముందు కాస్త వార్మప్ వ్యాయామాలు చేయడం మంచిది. లేకపోతే మోకాళ్లు, ఇతర కీళ్ల నొప్పులు మొదలవుతాయి. 

వారం మొత్తం నడవడం కూడా కండరాళ్లకు, కీళ్లకు మంచిది కాదు. వారంలో రెండు రోజులు విశ్రాంతి తీసుకోవాలి. 

వాకింగ్ చేసే సమయంలో పౌష్టికాహారం తీసుకోవడం తప్పనిసరి. లేకపోతే చాలా నీరసంగా, బద్ధకంగా అనిపిస్తుంది. 

నడుస్తున్నప్పుడు చేతులు ముందుకు, వెనక్కి కదులుతున్నప్పుడే శరీరం బ్యాలెన్స్ అవుతుంది. 

సామర్థ్యానికి మించి, నడక వ్యాయామం చేస్తే గుండె మీద, కండరాల మీద ఒత్తిడి పడుతుంది. 

Related Web Stories