ప్రతిమ మెడికల్‌ కాలేజీ అక్రమ వసూళ్లు..

• రూ.15.60 కోట్లు రీఫండ్‌ చేయాల్సిందే..!

• మెడికో పేరెంట్స్‌ అసోసియేషన్‌ డిమాండ్‌

• లేదంటే అమిత్‌ షా పర్యటన అడ్డుకుంటామని హెచ్చరిక

హైదరాబాద్‌, అక్టోబరు 2 (ఆంధ్రజ్యోతి): కరీంనగర్‌ ప్రతిమ ఇన్‌స్టిట్యూట్‌ ఆఫ్‌ మెడికల్‌ సైన్సెస్‌ (పిమ్స్‌) యాజమాన్యం విద్యార్థుల నుంచి అక్రమంగా వసూలు చేసిన రూ.15.60 కోట్ల అదనపు ఫీజులను వెంటనే తిరిగి చెల్లించాలని మెడికో పేరెంట్స్‌ అసోసియేషన్‌ డిమాండ్‌ చేసింది. ఈ మేరకు సంఘం రాష్ట్ర అధ్యక్షుడు మల్లోజుల సత్యనారాయణ శుక్రవారం ఒక ప్రకటన విడుదల చేశారు. అదనపు ఫీజులను వెంటనే రీఫండ్‌ చేయాలని, లేనిపక్షంలో కేంద్ర హోంమంత్రి అమిత్‌ షా కళాశాల పర్యటనను అడ్డుకుంటామని హెచ్చరించారు.