అషురెడ్డికి హైకోర్టులో చుక్కెదురు

హైదరాబాద్‌, మే 7 (ఆంధ్రజ్యోతి): బిగ్‌బాస్‌ ఫేమ్‌, నటి అషురెడ్డికి హైకోర్టులో చుక్కెదురైంది. పెళ్లి చేసుకుంటానని నమ్మించి ఎన్నారై టెకీ ధర్మేంద్ర నుంచి రూ.9.35 కోట్లు తీసుకుని మోసం చేశారన్న ఆరోపణలతో పోలీసులు తనపై నమోదు చేసిన కేసును కొట్టేయాలంటూ ఆమె దాఖలు చేసిన పిటిషన్‌ను తోసిపుచ్చింది. అన్ని ఆధారాలతోనే కేసు నమోదు చేసినట్లు పోలీసుల తరఫు ప్రభుత్వ న్యాయవాది తెలిపిన నేపథ్యంలో.. కేసు దర్యాప్తును నిలిపేయడానికి జస్టిస్‌ జె.శ్రీనివా్‌సరావు ధర్మాసనం నిరాకరించింది. పోలీసులు ఎలాంటి కఠిన చర్యలు తీసుకోకుండా మధ్యంతర ఉత్తర్వులు జారీ చేయలేమని స్పష్టం చేసింది. ఈ వ్యవహారానికి సంబంధించి కౌంటర్‌ దాఖలు చేయాలంటూ పోలీసులు, ఫిర్యాదుదారుకు ఆదేశాలు జారీ చేస్తూ.. తదుపరి విచారణ వచ్చే నెల 9కు వాయిదా వేసింది.