నా వ్యాఖ్యల పట్ల విచారం వ్యక్తం చేస్తున్నా..!
ABN , Publish Date - Mar 17 , 2026 | 05:30 AM
బ్రాహ్మణ సామాజిక వర్గంపై తాను చేసిన వ్యాఖ్యల పట్ల తుంగతుర్తి కాంగ్రెస్ ఎమ్మెల్యే మందుల సామేలు విచారం వ్యక్తం చేశారు. బ్రాహ్మణులను కించపరిచే ఉద్దేశంతో తాను మాట్లాడలేదని..
బ్రాహ్మణులను కించపరిచే ఉద్దేశంతో మాట్లాడలేదు
కాంగ్రెస్ ఎమ్మెల్యే మందుల సామేలు వివరణ..
హైదరాబాద్, మార్చి 16 (ఆంధ్రజ్యోతి): బ్రాహ్మణ సామాజిక వర్గంపై తాను చేసిన వ్యాఖ్యల పట్ల తుంగతుర్తి కాంగ్రెస్ ఎమ్మెల్యే మందుల సామేలు విచారం వ్యక్తం చేశారు. బ్రాహ్మణులను కించపరిచే ఉద్దేశంతో తాను మాట్లాడలేదని.. తన మాటల వల్ల ఎవరైనా బాధపడి ఉంటే ఆ పదాలను వెనక్కి తీసుకుంటున్నానన్నారు. తెలంగాణ ఉద్యమ సమయంలో బ్రాహ్మణులను కలుపుకొని పనిచేశానని గుర్తు చేశారు. బ్రాహ్మణులను బీజేపీ రాజకీయంగా వాడుకుంటోందని.. ఈ విషయాన్ని వారు గమనించాలని సోమవారం ఓ ప్రకటనలో విజ్ఞప్తి చేశారు. ఈ వివాదానికి ఇంతటితో ఫుల్స్టాప్ పెట్టాలని సామేలు కోరారు.
