Share News

హాఫ్ సెంచరీతో రాణించిన కోహ్లీ.. కివీస్‌పై భారత్ ఘన విజయం

ABN , Publish Date - Nov 04 , 2026 | 03:21 PM

ఆక్లాండ్ వేదికగా న్యూజిలాండ్‌తో జరిగిన తొలి వన్డేలో నాలుగు వికెట్ల తేడాతో(డక్‌వర్త్ లూయిస్ పద్ధతిలో) భారత్ ఘన విజయం సాధించింది. . టాస్ ఓడి బ్యాటింగ్‌కు దిగిన న్యూజిలాండ్.. 40.2 ఓవర్లలో 185 పరుగులకు ఆలౌటైంది.

హాఫ్ సెంచరీతో రాణించిన కోహ్లీ.. కివీస్‌పై భారత్ ఘన విజయం
India vs New Zealand

స్పోర్ట్స్ డెస్క్: ఆక్లాండ్ వేదికగా న్యూజిలాండ్‌తో జరిగిన తొలి వన్డేలో నాలుగు వికెట్ల తేడాతో(డక్‌వర్త్ లూయిస్ పద్ధతిలో) భారత్ ఘన విజయం సాధించింది. . టాస్ ఓడి బ్యాటింగ్‌కు దిగిన న్యూజిలాండ్.. 40.2 ఓవర్లలో 185 పరుగులకు ఆలౌటైంది. అనంతరం వర్షం అంతరాయం కలిగించడంతో టార్గెట్ 32 ఓవర్లలో 143 పరుగులకు కుదించారు. స్టార్ బ్యాటర్ విరాట్ కోహ్లీ(74) అర్ధ సెంచరీతో రాణించండంతో భారత్ 22.2 ఓవర్లలో 5 వికెట్లు కోల్పోయి లక్ష్యాన్ని ఛేదించింది. దీంతో ఐదు వన్డేల సిరీస్‌లో టీమిండియా 1-0 ఆధిక్యంలో నిలిచింది.


మ్యాచ్ విషయానికి వస్తే.. టాస్ గెలిచిన భారత్ బౌలింగ్ ఎంచుకుంది. దీంతో న్యూజిలాండ్ తొలుత బ్యాటింగ్ దిగింది. ఈ క్రమంలో భారత బౌలర్ల ధాటికి కివీస్ 40.2 ఓవర్లలో 185 పరుగులకే కుప్పకూలింది. ఓపెనర్ టిమ్ సీఫర్ట్(38) టాప్ స్కోరర్‌గా నిలిచాడు. గ్లెన్ ఫిలిప్స్(30), టిక్నర్(34), డారిల్ మిచెల్(28), డఫీ(18*) మినహా మిగతా బ్యాటర్లంతా సింగిల్ డిజిట్‌కే పరిమితమయ్యారు. విల్ యంగ్(9), నికోల్స్(9), టామ్ లాథమ్(3), శాంట్నర్(4), స్మిత్(1), జెమీసన్(1) విఫలమయ్యారు. భారత బౌలర్లలో అర్ష్‌దీప్ సింగ్ 4, గుర్నూర్ బ్రార్ 3, అన్షుల్ కాంబోజ్ 2 వికెట్లతో చెలరేగారు.


అనంతరం స్వల్ప లక్ష్యంగాతో బ్యాటింగ్ దిగిన భారత్‌కు ఆరంభంలోనే బిగ్ షాక్ తగిలింది. ఓపెనర్ రోహిత్ శర్మ పరుగులు ఖాతా తెరవకుండానే పెవిలియన్ చేరాడు. ఆ తర్వాత వన్ డౌన్‌లో వచ్చిన విరాట్ కోహ్లీ(74), కెప్టెన్ శుబ్‌మన్ గిల్(37)తో కలిసి స్కోర్ బోర్డును కదిలించాడు. వీరిద్దరూ కలిసి 113 పరుగుల భారీ భాగస్వామ్యాన్ని నెలకొల్పారు. 114 పరుగుల వద్ద నాథన్ స్మిత్ బౌలింగ్‌లో గిల్ పెవిలియన్ చేరాడు. ఈ క్రమంలోనే పలుమార్లు వర్షం అంతరాయం కలిగించడంతో డక్‌వర్త్ లూయిల్ పద్ధతిలో టార్గెట్‌ను 32 ఓవర్లలో 143 పరుగులకు కుదించారు. ఈ క్రమంలో ఐదు వికెట్లు కోల్పోయిన భారత్ 22.2 ఓవర్లలో 143 పరుగులు చేసింది. కివీస్ బౌలర్లలో డఫీ మూడు వికెట్లు సాధించాడు. జెమీసన్, నాథన్ స్మిత్ చెరో వికెట్ తీశారు.


ఇవి కూడా చదవండి:

సింగిల్ హ్యాండ్‌తో విరాట్ కోహ్లీ డైవింగ్ క్యాచ్.. వీడియో చూశారా!

ఐపీఎల్ 2027: తెరపైకి మరో ట్రేడ్ డీల్.. రూ.13 కోట్ల స్టార్ క్రికెటర్‌పై సీఎస్కే కన్ను!

నాంది ఫాండేషన్ 28 ఏళ్ల ప్రస్థానం.. ఆనంద్ మహీంద్రాకు చంద్రబాబు థ్యాంక్స్

Updated Date - Nov 04 , 2026 | 03:58 PM