బ్యాడ్మింటన్‌లో పతకం ఖాయం

నగోయ: ఆసియా క్రీడల బ్యాడ్మింటన్‌లో భారత పురుషుల జట్టు సెమీస్‌ చేరి పతకం ఖాయం చేసుకోగా.. మహిళల టీమ్‌ క్వార్టర్స్‌లో ఓడి ఇంటిముఖం పట్టింది. హోరాహోరీగా సాగిన క్వార్టర్స్‌లో భారత్‌ 3-0తో జపాన్‌పై గెలిచింది. సింగిల్స్‌లో లక్ష్యసేన్‌, ఆయుష్‌ శెట్టితోపాటు డబుల్స్‌ జోడీ సాత్విక్‌ సాయిరాజ్‌-చిరాగ్‌ శెట్టి గెలిచారు. కాగా, భారత మహిళల జట్టు 1-3తో జపాన్‌ చేతిలో పరాజయం పాలైంది. సింగిల్స్‌లో పీవీ సింధు, ఉన్నతి హుడా ఓడడంతో భారత్‌ 0-2తో వెనుకబడింది. కానీ, మూడో మ్యాచ్‌లో డబుల్స్‌ జంట ట్రీసా జాలీ-గాయత్రి పుల్లెల జంట గెలిచి ఆశలు నిలిపింది. అయితే, నాలుగో మ్యాచ్‌లో తన్వీ శర్మ చిత్తవ్వడంతో భారత ఓటమి ఖరారైంది.

• ఆసియాడ్‌కు అర్హత సాధించిన ఏకైక జిమ్నాస్ట్‌ ప్రణతి నాయక్‌ వాల్ట్‌ విభాగంలో ఫైనల్‌కు దూసుకెళ్లింది.

• టేబుల్‌ టెన్ని్‌సలో భారత పురుషులు, మహిళల జట్ల కథ ముగిసింది. మహిళల క్వార్టర్స్‌లో భారత్‌ 0-3తో ఉత్తరకొరియా చేతిలో ఓడింది. పురుషుల జట్టు రౌండ్‌- 16లో భారత్‌ 0-3తో ద.కొరియా చేతిలో ఓడింది.

• స్విమ్మింగ్‌లో భారత అథ్లెట్ల దారుణ ప్రదర్శన కొనసాగుతోంది. పురుషుల4్ఠ100 రిలే ఫైనల్లో భారత బృందం చివరి స్థానంలో నిలిచింది. 1500 మీ. ఫ్రీ స్టయిల్‌ ఫైనల్‌-బిలో ఆర్యన్‌ నెహ్రా నాలుగో స్థానం దక్కించుకొన్నాడు.

• ఈక్వెస్ట్రియన్‌ డ్రస్సేజ్‌ ఈవెంట్‌లో భారత్‌ ఏడో స్థానంలో నిలిచింది. కాగా, జంపింగ్‌ ఈవెంట్‌లో ఎలిమినేట్‌ అయింది. కాగా, వ్యక్తిగత జంపింగ్‌ విభాగంలో ఆశిష్‌ లిమాయె ఆరో స్థానం దక్కించుకొన్నాడు.

• పురుషుల ఫాయిల్‌ వ్యక్తిగత విభాగంలో హిమాష్‌ సింగ్‌ సనాసమ్‌ 5-1తో అల్‌ షుఅయిబి సయ్యద్‌పై నెగ్గగా.. 2-5తో చోంగ్‌ కియో చేతిలో ఓడాడు.

• జుగ్‌రాజ్‌ సింగ్‌, స్ట్రయికర్లు అభిషేక్‌ సింగ్‌, దిల్‌ప్రీత్‌ హ్యాట్రిక్‌ గోల్స్‌తో విజృంభించారు. దీంతో పూల్‌-ఎ హాకీ మ్యాచ్‌లో భారత్‌ 16-1తో శ్రీలంకను మట్టికరిపించింది.

• ఉషు మహిళల 60 కిలోల సాండా విభాగంలో రోషిబినా దేవి సెమీస్‌ చేరి పతకం ఖాయం చేసింది. మహిళల నాన్‌క్వాన్‌, నాండో ఈవెంట్‌లో హన్జాబామ్‌ లాంగ్లెన్‌టోంబి దేవి ఫైనల్లో తొమ్మిదో స్థానంలో నిలిచింది. సెపక్‌తక్రా రెగు గ్రూప్‌-బిలో భారత్‌ 0-3తో మలేసియా చేతిలో చిత్తయింది. పురుషుల కబడ్డీ గ్రూప్‌-ఎలో భారత్‌ 63-31తో కొరియాపై గెలిచింది.