హైదరాబాద్‌లో సద్దుల బతుకమ్మ వేడుకల్లో పాల్గొన్న కేంద్రమంత్రి కిషన్‌రెడ్డి
ABN, Publish Date - Oct 19 , 2026 | 11:00 AM
హైదరాబాద్‌లో సద్దుల బతుకమ్మ వేడుకలను ఆదివారం ఘనంగా నిర్వహించారు. కేంద్ర మంత్రి జీ. కిషన్‌రెడ్డి నగరంలోని పలు ప్రాంతాల్లో నిర్వహించిన బతుకమ్మ సంబరాల్లో పాల్గొని మహిళలకు పండుగ శుభాకాంక్షలు తెలిపారు.
1/15
హైదరాబాద్‌లో సద్దుల బతుకమ్మ వేడుకలను ఆదివారం ఘనంగా నిర్వహించారు. కేంద్ర మంత్రి జీ. కిషన్‌రెడ్డి నగరంలోని పలు ప్రాంతాల్లో నిర్వహించిన బతుకమ్మ సంబరాల్లో పాల్గొని మహిళలకు పండుగ శుభాకాంక్షలు తెలిపారు.
2/15
హైదరాబాద్‌లోని న్యూ నల్లకుంట, ముషీరాబాద్, ఖైరతాబాద్‌లోని చింతల్ బస్తీ, యూసఫ్‌గూడ ప్రాంతాల్లో జరిగిన వేడుకల్లో కిషన్‌రెడ్డి పాల్గొని సందడి చేశారు. ఈ కార్యక్రమంలో రాజ్యసభ సభ్యుడు డాక్టర్ కె. లక్ష్మణ్, స్థానిక నాయకులు, మహిళలు, ఇతర ప్రముఖులు పాల్గొన్నారు.
3/15
ఆయా కాలనీల్లో మహిళలు పెద్ద సంఖ్యలో వేడుకల్లో పాల్గొని తెలంగాణ సంస్కృతి, సంప్రదాయాల వైభవాన్ని చాటిచెప్పారు.
4/15
న్యూ నల్లకుంటలో నిర్వహించిన బతుకమ్మ వేడుకల్లో మహిళలు రంగురంగుల పూలతో అందంగా బతుకమ్మలను పేర్చి సంప్రదాయ జానపద గీతాలు, నృత్యాలతో సంబరాలు చేసుకున్నారు.
5/15
తెలంగాణ గొప్ప సాంస్కృతిక వారసత్వాన్ని ప్రతిబింబించే ఈ పండుగలో మహిళలు ఉత్సాహంగా పాల్గొనడం ప్రత్యేక ఆకర్షణగా నిలిచింది.
6/15
ప్రతి కుటుంబానికి సుఖసంతోషాలు, ఐశ్వర్యం, ఆరోగ్యం, శాంతి కలగాలని కిషన్ రెడ్డి గౌరీ దేవిని ప్రార్థించారు.
7/15
ముషీరాబాద్‌లో నిర్వహించిన సద్దుల బతుకమ్మ సంబరాల్లోనూ కేంద్రమంత్రి పాల్గొన్నారు. ప్రజల మధ్య బతుకమ్మ వేడుకలను జరుపుకోవడం ఆనందంగా ఉందని పేర్కొన్నారు.
8/15
తీరొక్క పూలతో బతుకమ్మలను అలంకరించిన మహిళలు, యువతులు సంప్రదాయ పాటలు పాడుతూ, ఆటపాటలతో ఉత్సాహంగా వేడుకల్లో పాల్గొన్నారు. బతుకమ్మ పండుగ తెలంగాణ ఆడపడుచుల అస్తిత్వం, ఆత్మగౌరవం, శక్తికి ప్రతీకగా నిలుస్తుందని కిషన్‌రెడ్డి తెలిపారు.
9/15
ఖైరతాబాద్ పరిధిలోని చింతల్ బస్తీలో నిర్వహించిన వేడుకల్లో మహిళల భక్తిశ్రద్ధలు, సంప్రదాయ నృత్యాలు, జానపద గీతాలు ఆకట్టుకున్నాయి. తరతరాలుగా వస్తున్న తెలంగాణ సాంస్కృతిక వారసత్వాన్ని బతుకమ్మ పండుగ సజీవంగా ఉంచుతుందని, ప్రజల మధ్య ఐక్యత, విశ్వాసం, ఆత్మీయతను పెంపొందిస్తుందని ఈ సందర్భంగా కిషన్‌రెడ్డి పేర్కొన్నారు.
10/15
యూసఫ్‌గూడలోని కోట్ల విజయ భాస్కర్ రెడ్డి స్టేడియంలో నిర్వహించిన బతుకమ్మ వేడుకలకు మహిళలు పెద్ద సంఖ్యలో హాజరయ్యారు. రంగురంగుల పూలతో బతుకమ్మలను పేర్చి, కోలాటాలు, సంప్రదాయ పాటలతో గౌరమ్మను భక్తిశ్రద్ధలతో పూజించారు.
11/15
అనంతరం గౌరమ్మ తల్లికి వీడ్కోలు పలికారు. తెలంగాణకు ప్రత్యేకమైన ఈ పూల పండుగ అన్ని వర్గాల ప్రజలను ఒక్కచోట చేర్చే సంప్రదాయ వేడుకగా నిలుస్తుందని కిషన్ రెడ్డి పేర్కొన్నారు.
12/15
హైదరాబాద్‌లోని పలు ప్రాంతాల్లో జరిగిన సద్దుల బతుకమ్మ వేడుకలు తెలంగాణ సంస్కృతి, సంప్రదాయాలు, మహిళల ఐక్యతకు ప్రతీకగా నిలిచాయి.
13/15
సద్దుల బతుకమ్మ సంబరాలు తెలంగాణ సంస్కృతి, మహిళల ఐక్యత, సంప్రదాయాల వైభవాన్ని ప్రతిబింబించాయి.
14/15
ఈ సందర్బంగా ప్రతి ఆడబిడ్డ కుటుంబంలో సుఖ సంతోషాలు, ఆయురారోగ్యాలు, సౌభాగ్యం వెల్లివిరియాలని అమ్మవారిని కోరుకున్నానని కిషన్‌రెడ్డి తెలిపారు.
15/15
ఈ పండుగ దేశంలో మన తెలంగాణకే ప్రత్యేకమైనదని.. అన్నివర్గాల ప్రజలు సంతోషంగా చేసుకునే పండుగగా బతుకమ్మకు ఘనమైన చర్రిత ఉందని కిషన్‌రెడ్డి పేర్కొన్నారు.
Updated at - Oct 19 , 2026 | 11:24 AM