ఒజెంపిక్‌, వెగోవీ ధరలు తగ్గించాం

నోవో నార్డిస్క్‌

న్యూఢిల్లీ: భారత ఫార్మా కంపెనీల జెనరిక్‌ సెమాగ్లుటైడ్‌ దెబ్బ.. బహుళ జాతి ఫార్మా కంపెనీ నోవో నార్డి్‌స్కకు బాగానే తగిలింది. దీంతో తన బ్లాక్‌బస్టర్‌ వెయిట్‌లాస్‌, టైప్‌ 2 డయాబెటిక్‌ ఔషధాలు ఒజెంపిక్‌, వెగోవీ ధరలను 36 నుంచి 48 శాతం తగ్గిస్తున్నట్టు ప్రకటించింది. దీంతో 0.25 ఎంజీ మోతాదులో ఉండే ఈ రెండుపేటెంట్‌ ఔషధాల రోజువారీ వినియోగ ప్రారంభ ధర భారత మార్కెట్లో రూ..202కు, వారానికి రూ.1,415కు తగ్గనుంది. భారత్‌లో ఈ రెండు పేటెంట్‌ ఔషదాలను మరింత మందికి అందుబాటులోకి తెచ్చేందుకే ఈ నిర్ణయం తీసుకున్నట్టు నోవో నార్డిస్క్‌ ఇండియా ఎండీ విక్రాంత్‌ షోరోత్రియా తెలిపారు. అయితే భారత ఫార్మా కంపెనీల జెనరిక్‌ సెమాగ్లుటైడ్‌ ఔషధాల దెబ్బకు తన మార్కెట్‌ ఎక్కడ గల్లంతువుతుందోననే భయంతోనే కంపెనీ ఇలా ధరలు తగ్గించిందని మార్కెట్‌ వర్గాలు భావిస్తున్నాయి.