ఎస్సీ ఉప వర్గీకరణపై హైకోర్టులో పిల్‌

• అభివృద్ధి చెందిన మాలల అంశంపై అభ్యంతరం

అమరావతి, మార్చి 11(ఆంధ్రజ్యోతి): ఎస్సీ ఉప వర్గీకరణలో అభివృద్ధి చెందిన మాలలను వెనుకబడిన ఆది ఆంధ్ర, ఆది ద్రవిడ తదితర సామాజిక వర్గాల జాబితాలో చేర్చడాన్ని సవాల్‌ చేస్తూ దాఖలైన ప్రజాహిత వ్యాజ్యాన్ని బుధవారం హైకోర్టు విచారణ జరిపింది. ఈ వ్యవహారంపై పూర్తి వివరాలతో కౌంటర్‌ దాఖలు చేయాలని వ్యాజ్యంలో ప్రతివాదులుగా ఉన్న ప్రభుత్వ ప్రధా న కార్యదర్శి, సాంఘిక సంక్షేమశాఖ ముఖ్యకార్యదర్శి, ఆశాఖ డైరెక్టర్‌కు నోటీసులు జారీ చేసింది. విచారణను 4 వారాలకు వాయిదా వేసింది. ఈ మేరకు హైకోర్టు ప్రధాన న్యాయమూర్తి జస్టిస్‌ ధీరజ్‌సింగ్‌ ఠాకూర్‌, జస్టిస్‌ చల్లా గుణరంజన్‌తో కూడిన ధర్మాసనం ఉత్తర్వులిచ్చింది. ఈ వాజ్యాన్ని గుంటూరు జి ల్లా, దుగ్గిరాల మండలం, చిలువూరుకు చెందిన సి.నాగరాజు దాఖలు చేశారు.