గొడ్డలి పార్టీని గొయ్యితీసి పాతండి: అచ్చెన్న

టెక్కలి, జూలై 1(ఆంధ్రజ్యోతి): ‘గొడ్డలి పార్టీ వల్ల రాష్ట్రం 25ఏళ్లు వెనక్కు వెళ్లింది. రాష్ట్రానికి వచ్చిన పరిశ్రమలను ఆ పార్టీ వాటాలు అడగడంతో వెనక్కు వెళ్లాయి’ అని మంత్రి అచ్చెన్నాయుడు ఆరోపించారు. బుధవారం శ్రీకాకుళం జిల్లా నందిగాం మండలం రాంపురంలో ఆయన మాట్లాడారు. ‘రాజకీయాలకు జగన్‌ అనర్హుడు. విధ్వంసం ఆయన ఎజెండా. వైసీపీకి, జగన్‌కు, ఆ కుటుంబానికి ఆంధ్రప్రదేశ్‌ అన్నా, తెలుగువాళ్లు అన్నా కక్ష. గొడ్డలి పార్టీని వెయ్యి అడుగుల గొయ్యి తీసి పాతేయండి. ఐదేళ్లు అధికారంలో ఉండి పోజులిచ్చారు తప్ప అభివృద్ధి మరిచారు’ అని అచ్చెన్న మండిపడ్డారు. రైతుల పేరుతో జగన్‌ రాజకీయ కుట్రకు పాల్పడుతున్నాడని విమర్శించారు.