ఎస్ఆర్ఎంలో ‘అమరరాజా’ సెంటర్ విస్తరణ
ABN , Publish Date - Mar 26 , 2026 | 03:35 AM
అమరావతిలోని ఎస్ఆర్ఎం యూనివర్సిటీలో ఉన్న ఎనర్జీ స్టోరేజ్ డివైజెస్ సెంటర్ను విస్తరించేందుకు అమరరాజ బ్యాటరీస్ లిమిటెడ్ ముందుకొచ్చింది.
తుళ్లూరు, మార్చి 25(ఆంధ్రజ్యోతి): అమరావతిలోని ఎస్ఆర్ఎం యూనివర్సిటీలో ఉన్న ఎనర్జీ స్టోరేజ్ డివైజెస్ సెంటర్ను విస్తరించేందుకు అమరరాజ బ్యాటరీస్ లిమిటెడ్ ముందుకొచ్చింది. వర్సిటీ కేంద్రంగా 2020లో ఏర్పాటు చేసిన ఈ కేంద్రంలో పరిశోధనలను విస్తృతపర్చడంతో పాటు ప్రస్తుత పరిశ్రమల అవసరాలకు అనుగుణంగా సాంకేతిక పరిజ్ఞానం అందించేందుకు సమాయత్తమవుతోంది. ఈ మేరకు ఏపీ ఎస్ఆర్ఎం వర్సిటీ ప్రొఫెసర్లు సిద్ధం చేసిన ప్రతిపాదనలపై సమీక్షించింది. బుధవారం వర్సిటీకి వచ్చిన అమరరాజా బృందం ఎనర్జీ స్టోరేజీ సెంటర్ నిర్వహణ బాధ్యతల్లో ఉన్న ప్రొఫెసర్లతో సమావేశమైంది. రెండో దశ కింద కేంద్రాన్ని అభివృద్ధి చేసే అంశాలపై చర్చించారు.
