మోగిన నగారా...

-సర్పంచ్‌ ఎన్నికల షెడ్యూల్‌ విడుదల

-మూడు విడతల్లో నిర్వహణ

-డిసెంబరు 11,14,17 తేదీల్లో ఎన్నికలు

-రేపటి నుంచి మొదటి విడత నామినేషన్లు ప్రారంభం

-తక్షణమే అమల్లోకి ఎన్నికల కోడ్‌

మంచిర్యాల, నవంబరు 25 (ఆంధ్రజ్యోతి): ఎప్పుడె ప్పుడా అని ఎదురు చూస్తున్న సర్పంచ్‌, వార్డు సభ్యుల ఎన్నికలకు ఎట్టకేలకు మార్గం సుగమం అయింది. పం చాయతీ ఎన్నికలను మొత్తం మూడు విడుతల్లో నిర్వ హించేందుకు రాష్ట్ర ఎన్నికల సంఘం మంగళవారం షెడ్యూల్‌ విడుదల చేసింది. ఈ మేరకు రాష్ట్ర ఎన్నికల కమిషనర్‌ రాణికుమదిని తాజాగా వివరాలు వెల్లడిం చారు. వాస్తవానికి లోక్‌సభ ఎలక్షన్లు ముగియగానే స్థా నిక సంస్థల ఎన్నికలు నిర్వహించాల్సి ఉంది. రాష్ట్రంలో కాంగ్రెస్‌ ప్రభుత్వం అధికారంలోకి రావడం, పాలనపై పట్టు సాధించేందుకు కొంత సమయం పట్టింది. దీంతో పంచాయతీ ఎన్నికల నిర్వహణలో సంవత్సరం పాటు జాప్యం జరిగింది. గ్రామ పంచాయతీల పాలన గత సంవత్సరం జనవరిలో ముగియగా, 20 నెలల సుదీర్ఘ సమయం తరువాత ఎట్టకేలకు మార్గం సుగమం అ యింది. పంచాయతీ ఎన్నికల షెడ్యూల్‌ విడుదల కావ డంతో పల్లెల్లో ఒక్కసారిగా ఎన్నికల సందడి నెలకొంది. జిల్లాలో 306 సర్పంచ్‌ వాటి పరిధిలోగల 2680 వార్డుల కు ఎన్నికలు నిర్వహించాల్సి ఉంది. సర్పంచ్‌ స్థానాల్లో బీసీలకు 23, ఎస్సీలకు 117, ఎస్టీలకు 29, జనరల్‌కు 137 స్థానాలను కేటాయించారు. అలాగే వార్డు సభ్యుల్లో స్థానాల్లో ఎస్సీలకు 803, ఎస్టీలకు 253, బీసీలకు 334, జ నరల్‌ కేటగరీకి 1290 స్థానాలకు కేటాయించారు. ఎలక్ష న్‌ షెడ్యూల్‌ విడుదల కావడంతో రాష్ట్రవ్యాప్తంగా ఎన్నిక ల కోడ్‌ కూడా అమల్లోకి వచ్చింది.

మండలాల వారీగా ఓటర్ల వివరాలు...

మండలం మొత్తం పురు షులు స్త్రీలు ఇతరులు

బెల్లంపల్లి 23464 11625 11838 01

భీమిని 11529 5844 5684 01

భీమారం 13093 6394 6699 00

చెన్నూర్‌ 26475 13040 13435 00

దండేపల్లి 42101 20486 21614 01

హాజీపూర్‌ 16954 8361 8593 00

జైపూర్‌ 30626 15278 15347 01

జన్నారం 44412 21670 22740 02

కన్నెపల్లి 15490 7614 7875 01

కాసిపేట 26472 13127 13342 03

కోటపల్లి 26990 13320 13668 02

లక్షెట్టిపేట 25227 12261 12966 00

మందమర్రి 11482 5678 5803 01

నెన్నెల 19371 9636 9734 01

తాండూర్‌ 27757 13741 14016 00

వేమనపల్లి 15226 7568 7657 01

మొదటి విడుత ఎన్నికలు....

గ్రామ పంచాయతీ మొదటి విడత ఎన్నికలకు సం బంధించి ఈ నెల 27 నుంచి నామినేషన్లు స్వీకరణ ప్రా రంభం కానుండగా, అదే రోజు ఓటర్ల జాబితా ప్రదర్శన, 29న నామినేషన్ల దాఖలుకు చివరి తేదీ, 30న నామి నేషన్ల పరిశీలన, చెల్లుబాటైన అభ్యర్థుల జాబితా విడు దల, డిసెంబరు 1న అప్పీళ్లకు గడువు, 2న అప్పీళ్ల పరి ష్కరణ, 3న నామినేషన్ల ఉపసంహరణ గడువు, అభ్య ర్థుల తుది జాబితా విడుదల, 11న ఎన్నికల నిర్వహణ, ఓట్ల లెక్కింపు చేపట్టి విజేతల ప్రకటనతోపాటు ఉప సర్పంచ్‌ ఎన్నిక నిర్వహణ.

రెండో విడుత..

ఈ నెల 30న నామినేషన్లు స్వీకరణ ప్రారంభం, ఓ టర్ల జాబితా ప్రదర్శన, డిసెంబరు 2న నామినేషన్ల దా ఖలుకు చివరి తేదీ, 3న నామినేషన్ల పరిశీలన, చెల్లు బాటైన అభ్యర్థుల జాబితా విడుదల, 4న అప్పీళ్లకు గడు వు, 5న అప్పీళ్ల పరిష్కరణ, 6న నామినేషన్ల ఉపసం హరణ గడువు, అభ్యర్థుల తుది జాబితా విడుదల, 14న ఎన్నికల నిర్వహణ, ఓట్ల లెక్కింపు చేపట్టి విజేతల ప్రకటనతోపాటు ఉప సర్పంచ్‌ ఎన్నిక నిర్వహణ.

మూడో విడుత...

డిసెంబరు 3వ తేదీన నామినేషన్లు స్వీకరణ ప్రారం భం, ఓటర్ల జాబితా ప్రదర్శన, 5న నామినేషన్ల దాఖలుకు చివరి తేదీ, 6న నామినేషన్ల పరిశీలన, చెల్లు బాటైన నామినేషన్ల జాబితా విడుదల, 7న అప్పీళ్లకు గడువు, 8న అప్పీళ్ల పరిష్కరణ, 9న నామినేషన్ల ఉప సంహరణ గడువు, అభ్యర్థుల తుది జాబితా విడుదల, 17 తేదీన ఎన్నికల నిర్వహణ, ఓట్ల లెక్కింపు చేపట్టి వి జేతల ప్రకటనతోపాటు ఉప సర్పంచ్‌ ఎన్నిక నిర్వహణ చేపడతారు.

మండలాల వారీగా ఎన్నికలు...

సర్పంచ్‌, వార్డు సభ్యుల ఎన్నికలు జిల్లాలోని వివిధ మండలాల్లో మూడు విడుతల్లో మొత్తం 306 గ్రామ పంచాయతీలు, 2,680 వార్డు సభ్యులకు నిర్వహించను న్నారు. మొదటి విడుతలో మంచిర్యాల నియోజక వర్గం లోని దండేపల్లి, హాజీపూర్‌, జన్నారం, లక్షెట్టిపేట మండ లాల్లోని 90 గ్రామ పంచాయతీలు, 816 వార్డు సభ్యుల కు ఎన్నికలు నిర్వహించనుండగా, రెండో విడుతలో బె ల్లంపల్లి నియోజకవర్గంలోని బెల్లంపల్లి, భీమిని, కన్నె పల్లి, కాసిపేట, నెన్నెల, తాండూరు, వేమనపల్లి మండ లాల్లోని 114 గ్రామ పంచాయతీలు, 996 వార్డు సభ్యుల ఎన్నికలు నిర్వహిస్తారు. మూడో విడుతలో చెన్నూరు నియోజక వర్గంలోని భీమారం, చెన్నూరు, జైపూరు, కో టపల్లి, మందమర్రి మండలాల్లోని 102 గ్రామ పంచా యతీలు, 868 వార్డు సభ్యుల ఎన్నికలు నిర్వహించనున్నారు.