Rahul Gandhi Arrives in Hyderabad Today: నేడు హైదరాబాద్‌కు రాహుల్‌గాంధీ

• రాత్రి ఉప్పల్‌ స్టేడియంలో గోట్‌ ఇండియా టూర్‌కు హాజరు

• తిరిగి రాత్రి 10.30 గంటలకు ఢిల్లీకి వెళ్లనున్న కాంగ్రెస్‌ నేత

హైదరాబాద్‌, డిసెంబరు 12(ఆంధ్రజ్యోతి): కాంగ్రెస్‌ పార్టీ అగ్రనేత, లోకసభలో ప్రతిపక్ష నాయకుడు రాహుల్‌గాంధీ నేడు హైదరాబాద్‌కు రానున్నారు. ఆయన పర్యటనకు సంబంధించిన పూర్తి షెడ్యూల్‌ను ప్రభుత్వ వర్గాలు శుక్రవారం విడుదల చేశాయి. రాహుల్‌గాంధీ శనివారం మధ్యాహ్నం 2:15 గంటలకు ఢిల్లీ నుంచి ప్రత్యేక విమానంలో బయలుదేరి, సాయంత్రం 4:15 గంటలకు రాజీవ్‌గాంధీ అంతర్జాతీయ విమానాశ్రయం చేరుకుంటారు. అక్కడి నుంచి సాయంత్రం 5:00 గంటలకు ఫలక్‌నుమా ప్యాలెస్‌ హోటల్‌కు రోడ్డు మార్గంలో వస్తారు. రాత్రి 7:15 గంటలకు అక్కడి నుంచి బయలుదేరి, 7:55 గంటలకు ఉప్పల్‌లోని రాజీవ్‌గాంధీ అంతర్జాతీయ క్రికెట్‌ ేస్టడియంకు చేరుకుంటారు. అక్కడ జరిగే ‘గోట్‌ ఇండియా టూర్‌’ కార్యక్రమంలో రాహుల్‌ పాల్గొంటారు. ఈ కార్యక్రమం అనంతరం రాత్రి 9:45 గంటలకు తిరిగి విమానాశ్రయానికి చేరుకుని, రాత్రి 10:30 గంటలకు ఎయిర్‌ ఇండియా విమానంలో ఢిల్లీకి బయలుదేరుతారని అధికారులు తెలిపారు.