Javelin Throw Event: నీరజ్‌ చోప్రా క్లాసిక్‌ ఈవెంట్‌ వాయిదా
ABN , Publish Date - May 10 , 2025 | 05:02 AM
ప్రస్తుత పరిస్థితుల కారణంగా నీరజ్‌ చోప్రా క్లాసిక్‌ ఈవెంట్‌ వాయిదా పడింది. బెంగళూరులో ఈనెల 24న జరగాల్సిన ఈ పోటీని కొన్నిరోజుల పాటు వాయిదా వేయాలని నీరజ్‌ ప్రకటించారు.
న్యూఢిల్లీ: దేశంలో నెలకొన్న ఉద్రిక్త పరిస్థితుల నేపథ్యంలో స్టార్‌ జావెలిన్‌ త్రోయర్‌, ఒలింపిక్‌ మాజీ చాంపియన్‌ నీరజ్‌ చోప్రా క్లాసిక్‌ ఈవెంట్‌ నిరవధికంగా వాయిదా పడింది. స్వయంగా నీరజ్‌ నిర్వహిస్తున్న ఈ జావెలిన్‌ త్రో మెగా ఈవెంట్‌ షెడ్యూల్‌ ప్రకారం ఈనెల 24న బెంగళూరు జరగాల్సి ఉంది. అయితే, ప్రస్తుత పరిణామాల దృష్ట్యా టోర్నీని కొన్నిరోజుల పాటు వాయిదా వేస్తున్నట్టు నీరజ్‌ సోషల్‌ మీడియాలో వెల్లడించాడు. ఈవెంట్‌ను ఎప్పుడు నిర్వహిస్తామన్నది త్వరలోనే వెల్లడిస్తామన్నాడు.
