Makeup Tips: వినోదాల్లో వెలిగిపోవాలంటే
ABN , Publish Date - Nov 29 , 2025 | 02:55 AM
విందులు, వినోదాలు మన జీవితంలో భాగాలు. అలాంటి వేడుకలకు హాజరయ్యేటప్పుడు సహజసిద్ధ అందం ఉట్టిపడే మేక్పను ఎంచుకోవాలి. అందుకోసం ఇదిగో ఇలాంటి చిట్కాలు అనుసరించాలి....
విందులు, వినోదాలు మన జీవితంలో భాగాలు. అలాంటి వేడుకలకు హాజరయ్యేటప్పుడు సహజసిద్ధ అందం ఉట్టిపడే మేక్పను ఎంచుకోవాలి. అందుకోసం ఇదిగో ఇలాంటి చిట్కాలు అనుసరించాలి.
మిరుమిట్లు గొలిపే లైట్లకు తగ్గట్టు...
మేకప్ ముందు మాయిశ్చరైజర్, సన్స్ర్కీన్లను అప్లై చేసుకోవాలి. ఈ రెండింటితో చర్మం పొడిబారకుండా ఉండడంతో పాటు, వేడుకల్లో లైట్ల వెలుగుకు కమిలిపోకుండా చర్మానికి రక్షణ దక్కుతుంది.
ఫ్యాష్ వెలుగుల్లో...
వేడుకల్లో తీసే ఫ్లాష్ ఫొటోల్లో ముఖం అవసరానికి మించి వెలిగిపోకుండా ఉండాలంటే, రెండు భిన్నమైన ఫౌండేషన్లు...మ్యాట్, సాఫ్ట్ గ్లోయీ ఫౌండేషన్లను కలిపి అప్లై చేసుకోవాలి. జిడ్డు చర్మమైతే, నుదురు, ముక్కు, చుబుకం మీద మ్యాట్ ఫౌండేషన్, మిగతా ముఖం మొత్తం డ్యూయీ ఫౌండేషన్ అప్లై చేసుకోవాలి. తర్వాత లూజ్ పౌడర్ అద్దుకోవాలి.
బ్లష్ కీలకం
పగటి వేళ వేడుకలకు హాజరయ్యేటప్పుడు ముదురు రంగు బ్లష్లకు బదులుగా, సహజసిద్ధంగా కనిపించే న్యాచురల్ లేదా రోజీ బ్లష్ ఎంచుకోవాలి. బుగ్గలతో పాటు, కొద్దిగా ముక్కు, చుబుకం మీద కూడా లైట్గా బ్లష్ను అద్దుకోవాలి.
ఐ షాడో ఇలా...
ముఖం మొత్తంలో కళ్లూ, పెదవులే ఎక్కువగా ఆకట్టుకుంటాయి. కాబట్టి వాటి మీద ప్రత్యేక దృష్టి పెట్టాలి. పగలైనా, రాత్రైనా ముదురు రంగు షాడోలకు దూరంగా ఉండాలి. పేస్టెల్, సాఫ్ట్ మెటాలిక్ ఐ షాడోలనే ఎంచుకోవాలి. ముడతలు పడకుండా ఉండడం కోసం క్రీమీ షాడోలకు బదులుగా పౌడర్ ఐ షాడోలనే ఎంచుకోవాలి. పౌడర్ ఐ షాడోలు మేక్పలో చక్కగా కలిసిపోయి, ఎక్కువ సమయం పాటు నిలిచి ఉంటాయి.
లవ్లీ లిప్స్టిక్
ఎరుపు, ప్లమ్, మెరూన్ మొదలైన రంగు లిప్స్టిక్స్ వేడుకలకు బాగుంటాయి. అలాగే ఐ షాడోకు మ్యాచ్ అయ్యే లిప్స్టిక్ ఎంచుకోవడం మర్చిపోకూడదు. గ్లిట్టర్, పేస్టెల్, మోనోటోన్ రంగు లిప్స్టిక్స్ పగటి వేడుకులకు సూటవుతాయి. మెటాలిక్, ముదురు రంగు షేడ్స్ రాత్రి వేడుకలకు మ్యాచ్ అవుతాయి.
