రక్తదానం చేస్తే...

రక్తదానం వల్ల ఇతరుల ప్రాణాలను కాపాడడమే కాకుండా రక్తదాతకు ఎన్నో ప్రయోజనాలు లభిస్తాయని నిపుణలు చెబుతున్నారు.

• రక్తదానం చేస్తున్నప్పుడు శరీరంలో ఎండార్ఫిన్లు విడుదలవుతాయి. వీటివల్ల మానసిక ఒత్తిడి తగ్గుతుంది.

• రక్తదానం చేసినవెంటనే శరీరంలో కొత్త రక్తకణాల ఉత్పత్తి ప్రారంభమౌతుంది. మెదడు నుంచి పాదాల వరకూ రక్తప్రసరణ వేగంగా జరుగుతుంది.

• రక్తదానం చేయడం వల్ల మనసులో ప్రతికూల ఆలోచనలు తగ్గి మానసిక ఆరోగ్యం మెరుగుపడుతుంది. ఒంటరితనం అనే భావన తొలగిపోతుంది. మానసిక సంతృప్తి లభిస్తుంది.

• రక్తదానం చేస్తే శరీరంలో పేరుకున్న అదనపు ఇనుము బయటికి వెళ్లడానికి అవకాశం ఏర్పడుతుంది దీనివల్ల అవయవాల పనితీరు సక్రమంగా మారుతుంది.

• రక్తదానం వల్ల ఆక్సీకరణ ఒత్తిడి తగ్గి గుండె జబ్బులు, ఇతర దీర్ఘకాలిక వ్యాధులు రావు. గుండె, రక్తనాళాల పనితీరు మెరుగుపడుతుంది.

• పద్దెనిమిది నుంచి ఆరవై ఏళ్ల వయసు ఉన్న ఆరోగ్యవంతులంతా రక్తదానం చేయవచ్చు. చెడు అలవాట్లు, హెపటైటిస్‌- బి/సి, హెచ్‌ఐవీ, అధిక రక్తపోటు ఉన్నవారు రక్తదానం చేయడానికి వీలు లేదు. ఒకసారి రక్తదానం చేస్తే దాంతో ముగ్గురికి ప్రాణదానం చేసే వీలుంది.

• రక్తదానం చేసేటప్పుడు గుండె కొట్టుకునే వేగం, రక్తపోటు స్వల్పంగా పెరగవచ్చు. కాబట్టి వదులుగా ఉండే దుస్తులు ధరించడం మంచిది. రక్తదానం చేసిన తరవాత రెండు రోజుల వరకూ వ్యాయామం చేయకూడదు.