Reduce Stress Naturally: వీటిని తినాలి..!
ABN , Publish Date - Dec 27 , 2025 | 03:22 AM
రోజూ చదువు, ఉద్యోగం, వ్యాపారాల్లో ఎదురయ్యే సవాళ్ల కారణంగా మానసిక ఒత్తిడి పెరుగుతూ ఉంటుంది. అలాంటప్పుడు హార్మోన్లను సంతులనం చేసే పోషకాహారం తీసుకుంటే సమస్య తీరుతుందని నిపుణులు చెబుతున్నారు.
రోజూ చదువు, ఉద్యోగం, వ్యాపారాల్లో ఎదురయ్యే సవాళ్ల కారణంగా మానసిక ఒత్తిడి పెరుగుతూ ఉంటుంది. అలాంటప్పుడు హార్మోన్లను సంతులనం చేసే పోషకాహారం తీసుకుంటే సమస్య తీరుతుందని నిపుణులు చెబుతున్నారు.
మెగ్నీషియం, ఫోలిక్ యాసిడ్, యాంటీ ఆక్సిడెంట్లు అధికంగా ఉండే పాలకూర, తోటకూర, మెంతి కూర, క్యాబేజీ, బ్రోకలీ, చిలగడ దుంపలు, కోడిగుడ్లు లాంటివాటిని ఆహారంలో చేర్చుకుంటే శరీరంలో కార్టిసాల్ ప్రభావం తగ్గి ఒత్తిడి, ఆందోళన మాయమవుతాయి.
తరచూ స్ట్రాబెర్రీ, బ్లాక్ బెర్రీ, నల్ల ద్రాక్ష, అనాస, నారింజ, అరటి పండ్లు తింటూ ఉంటే ఒత్తిడి తగ్గుతుంది.
చియా సీడ్స్, అవిశె గింజలు, పెరుగును ఆహారంలో చేర్చుకుంటే ప్రయోజనకరంగా ఉంటుంది. ఒమేగా 3 ఫాటీ యాసిడ్స్, డి విటమిన్ అధికంగా ఉండే చేపలను తీసుకోవడం వల్ల కూడా ఫలితం ఉంటుంది.
బ్రౌన్ రైస్, ఓట్మీల్, గోధుమ బ్రెడ్, తృణధాన్యాలు తీసుకోవడం వల్ల శరీరంలో ఎండార్ఫిన్లు, సెరటోనిన్ విడుదలై ఒత్తిడిని తగ్గిస్తాయి. జీడిపప్పు, బాదం, పిస్తా, వాల్నట్స్, కిస్మి్స, డ్రై అంజూర్, ఖర్జూరాలు తింటున్నా ప్రయోజనం ఉంటుంది.
రోజూ మితంగా డార్క్ చాక్లెట్ తీసుకున్నా మనసు ప్రశాంతంగా ఉంటుంది. గోరువెచ్చని పాలు లేదా ఏదైనా హెర్బల్ టీ తాగినా ఫలితం కనిపిస్తుంది.
