Coconut Payasam: ఊబకాయులకు ఔషధం కొబ్బరి పాయసం

కొబ్బరి వల్ల అనేక ప్రయోజనాలు ఉన్నాయని మనకు తెలుసు. కానీ భావ ప్రకాశ, భోజన కుతూహలం వంటి గ్రంథాలు కొబ్బరి పాల వల్ల కలిగే అనేక ప్రయోజనాలను వివరించాయి. అవేమిటో ఇప్పుడు తెలుసుకుందాం.

• కొబ్బరి పాలతో చేసిన పాయసాన్ని ‘అతిపుష్టిదాఖ’ అని ఈ గ్రంథాల్లో పేర్కొన్నారు. అంటే కొబ్బరి పాయసం వల్ల శరీరానికి మంచి పోషణ లభిస్తుందని అర్ధం. ముఖ్యంగా బడికి వెళ్లే పిల్లలకు ఇది మేలు చేస్తుంది. వారి అలసటను తీరుస్తుంది.

• కొబ్బరి పాల పాయసం వాత వ్యాధులున్నవారికి మంచి మందు. ఇది నిద్రలేమితో బాధపడేవారికి నిద్ర కలిగేలా చేస్తుంది.

• మహిళల్లో రక్తస్రావాన్ని అరికడుతుంది.

• కనీసం వారానికి ఒక సారి కొబ్బరి పాయసం తాగితే చర్మం మెరుస్తుంది.

• స్థూలకాయులు కొబ్బరి పాయాన్ని క్రమం తప్పకుండా తాగితే కొవ్వు కరిగి సన్నబడతారు. వారానికి రెండు సార్లు చొప్పున మూడు నెలల పాటు కొబ్బరి పాయసాన్ని సేవిస్తే మంచి ఫలితాలుంటాయి.

• కొందరికి నోటి నుంచి దుర్వాసన వస్తూ ఉంటుంది. అలాంటి వారికి ఇది ఒక మంచి ఔషధం.

• ఎసిడిటి, ఎక్కిళ్లు వంటి సమస్యలకు కూడా కొబ్బరి పాయసం ఒక మంచి పరిష్కారం.

పాయసం ఎలా చేయాలి?

• కొబ్బరిని సన్నగా తురమాలి.

• ఈ కొబ్బరి తురుమును ఆవు పాలలో వేసి ఉడికించాలి.

• పాలు చిక్కగా అవటం మొదలుపెట్టిన తర్వాత పంచదార, నెయ్యి వేయాలి.

• చివరలో కుంకమపువ్వు, పచ్చ కర్పూరం, యాలకులు వేసుకుంటే మంచి సువాసన కలుగుతుంది.