India Industrial Growth: ఆరు నెలల కనిష్ఠానికి ఐఐపీ
ABN , Publish Date - Apr 12 , 2025 | 03:18 AM
దేశంలో పారిశ్రామికోత్పత్తి సూచీ (IIP) ఫిబ్రవరిలో 6 నెలల కనిష్ఠ స్థాయి అయిన 2.9%కి పడిపోయింది. తయారీ, గనులు, విద్యుత్ రంగాల్లో వృద్ధి మందగమనే ఇందుకు ప్రధాన కారణం
న్యూఢిల్లీ: దేశంలో పారిశ్రామిక రంగం మరోసారి నిరుత్సాహపూరితమైన వృద్ధిని నమోదు చేసింది. ఫిబ్రవరిలో పారిశ్రామికోత్పత్తి సూచీ (ఐఐపీ) 6 నెలల కనిష్ఠ స్థాయి 2.9 శాతానికి దిగజారింది. గత ఏడాది ఫిబ్రవరిలో 5.6% ఉంది. తయారీ, గనులు, విద్యుత్ రంగాలు నిరాశావహమైన వృద్ధిని నమోదు చేయడం ఇందుకు కారణం. గత ఏడాది ఆగస్టులో జీరో శాతం వృద్ధిని నమోదు చేసిన తర్వాత నమోదైన మరో కనిష్ఠ స్థాయి ఇదే.
