GST Revenue: జీఎస్టీ వసూళ్లు ఐదేళ్లలో రెట్టింపు
ABN , Publish Date - Jul 01 , 2025 | 02:36 AM
వస్తు, సేవల పన్ను (జీఎస్టీ) చట్టం అమలులోకి వచ్చి 8 ఏళ్లు పూర్తయింది. కేంద్ర ప్రభుత్వం సోమవారం విడుదల చేసిన గణాంకాల ప్రకారం జీఎ్సటీ వార్షిక వసూళ్లు గడిచిన ఐదేళ్లలో రెట్టింపయ్యాయి.
గత ఆర్థిక సంవత్సరంలో రూ.22.08 లక్షల కోట్లకు చేరిక
న్యూఢిల్లీ: వస్తు, సేవల పన్ను (జీఎస్టీ) చట్టం అమలులోకి వచ్చి 8 ఏళ్లు పూర్తయింది. కేంద్ర ప్రభుత్వం సోమవారం విడుదల చేసిన గణాంకాల ప్రకారం జీఎ్సటీ వార్షిక వసూళ్లు గడిచిన ఐదేళ్లలో రెట్టింపయ్యాయి. 2020-21 ఆర్థిక సంవత్సరంలో జీఎస్టీ స్థూల వసూళ్లు రూ.11.37 లక్షల కోట్లుగా నమోదుకాగా.. గత ఆర్థిక సంవత్సరం(2024-25)లో సరికొత్త ఆల్టైం రికార్డు స్థాయి రూ.22.08 లక్షల కోట్లకు పెరిగాయి. మరిన్ని విషయాలు..
2024-25లో జీఎ్సటీ ఆదాయం అంతక్రితం ఆర్థిక సంవత్సరం(2023-24)తో పోలిస్తే 9.4 శాతం వృద్ధి చెందాయి.
2020-21 ఆర్థిక సంవత్సరంలో నెలవారీ వసూళ్ల సగటు రూ.95,000 కోట్లుగా నమోదుకాగా.. 2021-22లో రూ.1.51 లక్షల కోట్లకు, రూ. 2023-24లో రూ.1.68 లక్షల కోట్లకు, 2024-25లో రూ.1.84 లక్షల కోట్లకు పెరిగాయి.
జీఎస్టీ నెట్వర్క్ (జీఎస్టీఎన్)లో నమోదు చేసుకున్న వ్యాపారులు (పన్ను చెల్లింపుదారులు) గడిచిన 8 ఏళ్లలో రెట్టింపునకు పైగా పెరిగారు. 2017లో వీరి సంఖ్య 65 లక్షలుగా ఉండగా.. ప్రస్తుతం 1.51 కోట్లు దాటింది.
ఈ ఏడాది ఏప్రిల్లో జీఎస్టీ స్థూల వసూళ్లు సరికొత్త జీవనకాల గరిష్ఠ స్థాయి రూ.2.37 లక్షల కోట్లకు చేరాయి. 2025 మే నెలలో రూ.2.01 లక్షల కోట్లుగా నమోదు కాగా.. జూన్ గణాంకాలు మంగళవారం విడుదల కానున్నాయి.
దేశవ్యాప్తంగా ఏకరీతి పరోక్ష పన్నుల విధానాన్ని అమలు చేసేందుకు 17 రకాల స్థానిక పన్నులు, 13 రకాల సుంకాల విలీనం ద్వారా రూపొందించిన జీఎస్టీ చట్టం 2017 జూలై 1న అమలులోకి వచ్చింది.
