Vijayawada Utsav Praised by PVS Madhav: విజయవాడ ఉత్సవ్‌ అద్భుతం

• బీజేపీ రాష్ట్ర అధ్యక్షుడు పీవీఎస్‌ మాధవ్‌

‘విజయవాడ ఉత్సవ్‌’ అద్భుత ఘట్టమని బీజేపీ రాష్ట్ర అధ్యక్షుడు పీవీఎస్‌ మాధవ్‌ అన్నారు. పున్నమి ఘాట్‌లో బుధవారం జరిగిన సాంస్కృతిక కార్యక్రమాలను తిలకించారు. ఈ సందర్భంగా మాట్లాడుతూ సంస్కృతి, సాంప్రదాయాల పరిరక్షణకు ‘విజయవాడ ఉత్సవ్‌’ దోహదపడుతుందన్నారు. సీఎం చంద్రబాబు.. కళలు, సాంస్కృతిక పరిరక్షణకు కృషి చేస్తున్నారని తెలిపారు. ఈ కార్యక్రమంలో ఉపరాష్ట్రపతి సీపీ రాధాకృష్ణన్‌ పాల్గొనడం ఎంతో సంతోషంగా ఉందన్నారు. వచ్చే ఏడాది జరిగే ‘విజయవాడ ఉత్సవ్‌’కు ప్రధాని నరేంద్ర మోదీని తీసుకొస్తానని హామీ ఇచ్చారు. అనంతరం మాధవ్‌ను విజయవాడ ఎంపీ కేశినేని శివనాథ్‌ ఘనంగా సత్కరించి కొండపల్లి బొమ్మలను బహూకరించారు.