Gummidi Sandhya Rani: గిరిజన విద్యార్థుల స్కాలర్‌షిప్పులు విడుదల

• మంత్రి గుమ్మిడి సంధ్యారాణి వెల్లడి

అమరావతి, డిసెంబరు 25(ఆంధ్రజ్యోతి): గిరిజన విద్యార్థులపోస్టు మెట్రిక్‌ స్కాలర్‌షి్‌పల విషయంలో గత ప్రభుత్వ కాలంలో పెండింగ్‌ ఉన్న బకాయిలను కూటమి ప్రభుత్వం అత్యంత ప్రాధాన్యంగా తీసుకుని పరిష్కరించిందని గిరిజన సంక్షేమశాఖ మంత్రి గుమ్మిడి సంధ్యారాణి తెలిపారు. 2023-24 విద్యా సంవత్సరంలో గత ప్రభుత్వం కేవలం రూ.18.67 కోట్లు విడుదల చేయగా, పెండింగ్‌లో ఉన్న మూడు త్రైమాసికాలకు గాను రూ.71.67 కోట్లు కూటమి ప్రభుత్వ నేరుగా 69,227 మంది విద్యార్థుల తల్లుల ఖాతాల్లో జమచేసిందని గురువారం ఒక ప్రకటనలో పేర్కొన్నారు. 2024-25 విద్యా సంవత్సరం స్కాలర్‌షిప్పు నిధులు ఆర్‌టీఎఫ్‌ కింద రూ.85.67 కోట్లు కళాశాలల ఖాతాల్లోకి, ఎంటీఎఫ్‌ రూ.9.11 కోట్లు విద్యార్థుల తల్లుల ఖాతాల్లోకి మొత్తం 42,203 మందికి విడుదల చేసినట్టు తెలిపారు. 2025-26 విద్యా సంవత్సరానికి ప్రస్తుతం అర్హులైన విద్యార్థులకు నిధులను విడుదల చేస్తున్నామన్నారు. ఇప్పటి వరకు మొత్తం రూ.100.93 కోట్లు విడుదల చేసి, 59,297 మంది విద్యార్థులకు లబ్ధి చేకూరేలా చర్యలు తీసుకున్నామన్నారు. తద్వారా గిరిజన విద్యార్థుల విద్య నిలకడగా, సానుకూలంగా కొనసాగుతుందని పేర్కొన్నారు.