Visakhapatnam: రేపటి నుంచి విశాఖలో పెసా మహోత్సవ్‌

న్యూఢిల్లీ, డిసెంబరు 21 (ఆంధ్రజ్యోతి): పెసా చట్టం-1996 వార్షికోత్సవాన్ని పురస్కరించుకుని డిసెంబర్‌ 23, 24 తేదీల్లో విశాఖపట్నంలో ‘పెసా మహోత్సవ్‌’ నిర్వహించనున్నట్టు కేంద్ర పంచాయతీరాజ్‌ మంత్రిత్వ శాఖ ఆదివారం ఒక ప్రకటనలో పేర్కొంది. ఈ మహోత్సవాన్ని ఏపీ ఉప ముఖ్యమంత్రి, పంచాయతీ రాజ్‌, గ్రామీణాభివృద్ధి మంత్రి పవన్‌ కల్యాణ్‌ ప్రారంభిస్తారని తెలిపారు. వేడుకలో పది రాష్ట్రాలకు చెందిన పంచాయతీ ప్రతినిధులు, క్రీడాకారులు, సాంస్కృతిక కళాకారులు, ఇతర రంగాలకు చెందిన దాదాపు రెండు వేలమంది ప్రతినిధులు హాజరవుతారని పేర్కొన్నారు.