Amaravati: రాజధానిలో సొంతింటికి మంత్రి నారాయణ ఏర్పాట్లు

మంగళగిరి, సెప్టెంబరు 28 (ఆంధ్రజ్యోతి): రాష్ట్ర పురపాలకశాఖమంత్రి పి.నారాయణ రాజధాని అమరావతిలో సొంతింటి నిర్మాణానికి సర్వం సిద్ధం చేసుకున్నారు. ముఖ్యమంత్రి చంద్రబాబు గృహానికి సమీపంలోనే మంత్రి నారాయణ కూడా ఓ ప్లాటును కొనుగోలు చేశారు. వెలగపూడి గ్రామ రెవెన్యూ పరిధిలో సుమారు 93 సెంట్ల స్థలాన్ని కొనుగోలు చేసి మొత్తం 4500 చదరపు గజాల ఏకరూప ప్లాటుగా మార్చారు. 1455 చదరపు గజాల విస్తీర్ణంలో జీ+1 భవన సముదాయ రూపంలో ఏడాదిలోగా నిర్మాణాన్ని పూర్తి చేయనున్నారు. విజయదశమి రోజున శంకుస్థాపనకు ముహూర్తం నిర్ణయించారు. దీని నిర్మాణ పనులను ఎస్‌ఆర్‌ఆర్‌ కనస్ట్రక్షన్స్‌ సంస్థ చేపడుతోంది.