AP Liquor Scam Update: సిట్ సోదాల పర్వం
ABN , Publish Date - Jul 27 , 2025 | 03:18 AM
మద్యం కుంభకోణం దర్యాప్తులో మరిన్ని ఆధారాల సేకరణ కోసం ‘సిట్’ హైదరాబాద్లో విస్తృత సోదాలు నిర్వహించింది. సహ నిందితులు, డిస్టిలరీల యజమానులతో....
హైదరాబాద్లో మూడు చోట్ల తనిఖీలు
భారతీ సిమెంట్స్ ఆఫీసులోకి బృందం
బాలాజీ గోవిందప్ప చాంబర్ పరిశీలన
అక్కడి మీటింగ్ హాల్లోనే డిస్టిలరీల ప్రతినిధులతో సమావేశాలు
సాంకేతిక ఆధారాలతో గుర్తించిన సిట్
ఆయన నివాసంలోనూ సోదాలు
రాజ్ కసిరెడ్డి సాఫ్ట్వేర్ ఆఫీసు,చాణక్య ‘టీ గ్రిల్’ ఆవరణలో తనిఖీలు
పలు డాక్యుమెంట్లు స్వాధీనం
అమరావతి, జూలై 26 (ఆంధ్రజ్యోతి): మద్యం కుంభకోణం దర్యాప్తులో మరిన్ని ఆధారాల సేకరణ కోసం ‘సిట్’ హైదరాబాద్లో విస్తృత సోదాలు నిర్వహించింది. సహ నిందితులు, డిస్టిలరీల యజమానులతో భేటీలు జరిపిన ప్రాంతాలను గతంలోనే గూగుల్ టేకౌట్ ద్వారా గుర్తించిన ‘సిట్’... శనివారం ఆ ప్రదేశాలను ప్రత్యక్షంగా పరిశీలించింది. ఈ క్రమంలో జగన్ కుటుంబానికి చెందిన భారతీ సిమెంట్స్ కార్యాలయంలోనూ అడుగు పెట్టింది. మద్యం స్కామ్లో ఏ1గా ఉన్న రాజ్ కసిరెడ్డికి చెందిన రిసోర్స్ వన్ ఐటీ సొల్యూషన్స్ ప్రైవేట్ లిమిటెడ్ కార్యాలయంతోపాటు ఆయన ముఖ్య అనుచరుడు బూనేటి చాణక్య(ఏ-8)కు చెందిన టీ గ్రిల్ రెస్టారెంట్ (నానక్రామ్గూడ)లోనూ తనిఖీలు నిర్వహించింది. మూడు బృందాలుగా ఏర్పడిన సిట్ అధికారులు... తమతోపాటు డిజిటల్ ఎఫ్ఎ్సఎల్ నిపుణులనూ తీసుకెళ్లారు.
అక్కడే బాలాజీ భేటీలు...
భారతీ సిమెంట్స్ శాశ్వత డైరెక్టర్ బాలాజీ గోవిందప్ప(ఏ-33) పలువురు డిస్టిలరీల యజమానులతో సమావేశమైన ప్రదేశాన్ని ‘సిట్’ ఇదివరకే సాంకేతికత ద్వారా గుర్తించింది. హైదరాబాద్ బంజారా హిల్స్ రోడ్ నంబర్ 10లో ఉన్న భారతీ సిమెంట్స్ కార్యాలయంలోని ఈ భేటీలు జరిగినట్లు తేలింది. శనివారం బాలాజీ గోవిందప్ప చాంబర్ను పరిశీలించేందుకు వెళ్లిన సిట్ సిబ్బందిని... సెర్చ్ వారంట్ లేకుండా తనిఖీలకు అనుమతించమని సంస్థ న్యాయవాదులు అడ్డుకున్నారు. మధ్యాహ్నం 3నుంచి రాత్రి 7గంటల దాకా ఈ హైడ్రామా కొనసాగింది. సిట్ అధికారులు గోవిందప్ప చాంబర్ను పరిశీలించి, సహాయకులను విచారించి వివరాలు తెలుసుకున్నారు. ఆయన మీటింగ్ హాల్ను పరిశీలించారు. బంజారాహిల్స్ రోడ్ నం. 11లోని బాలాజీ గోవిందప్ప ఇంటికి చేరుకున్నారు. అక్కడ కొన్ని డాక్యుమెంట్లను స్వాధీనం చేసుకున్నట్లు తెలిసింది. ఇక... రాజ్ కసిరెడ్డి కార్యాలయంలో ఫైళ్లు, చాణక్య రెస్టారెంట్లో పలుమార్లు సమావేశమైన వ్యక్తుల వివరాలు సేకరించినట్లు తెలిసింది. లిక్కర్ స్కామ్లో ఇప్పటికే చార్జిషీట్ దాఖలు చేసిన అధికారులు... త్వరలో అనుబంధ చార్జిషీట్ వేసేందుకు సిద్ధమవుతున్నారు. మొదటి చార్జిషీట్లో గోవిందప్ప పాత్రను ప్రస్తావించలేదు. రెండో చార్జిషీట్లో ఆయన పాత్ర, తగిన ఆధారాలు చూపించే ప్రయత్నాల్లో భాగంగానే సోదాలు చేపట్టినట్లు తెలిసింది.
ఈ వార్తలు కూడా చదవండి..
సీఎం చంద్రబాబు సింగపూర్ పర్యటన షెడ్యూల్ ఖరారు
లొంగిపోయిన అగ్ర మావోయిస్టులు.. డీజీపీ ఏమన్నారంటే..
