Rayalaseema: నేడు సీమలో భారీ వర్షాలు
ABN , Publish Date - Oct 08 , 2025 | 05:22 AM
నైరుతి బంగాళాఖాతంలో ఉపరితల ఆవర్తనంతో పాటు ఉపరితల ద్రోణి ప్రభావంతో మంగళవారం రాష్ట్రవ్యాప్తంగా పలుచోట్ల వర్షాలు కురిశాయి.
విశాఖపట్నం/అమరావతి, అక్టోబరు 7(ఆంధ్రజ్యోతి): నైరుతి బంగాళాఖాతంలో ఉపరితల ఆవర్తనంతో పాటు ఉపరితల ద్రోణి ప్రభావంతో మంగళవారం రాష్ట్రవ్యాప్తంగా పలుచోట్ల వర్షాలు కురిశాయి. కోనసీమ జిల్లా ఐ.పోలవరంలో 9.12, అనకాపల్లిలో 7.05, చీపురుపల్లిలో 6.67, కోటనందూరులో 6.5 సెంటీమీటర్ల వర్షపాతం నమోదైంది. కాగా, దేశంలోనే అత్యధికంగా నెల్లూరులో 37.3 డిగ్రీల గరిష్ఠ ఉష్ణోగ్రత నమోదైంది. రానున్న 24 గంటల్లో రాష్ట్రవ్యాప్తంగా పలుచోట్ల వర్షాలు, రాయలసీమలో అక్కడక్కడ భారీవర్షాలు కురుస్తాయని వాతావరణ శాఖ తెలిపింది.
