Godavari District: కన్నబిడ్డపైనే కామాంధుడి కన్ను
ABN , Publish Date - Nov 17 , 2025 | 05:06 AM
కన్నపేగు కాటేసింది. తూర్పు గోదావరి జిల్లా పెరవలి మండలానికి చెందిన ఓ లారీ డ్రైవర్కు భార్య, 15 ఏళ్ల కుమార్తె ఉంది.
మూడేళ్లుగా అత్యాచారం.. గర్భం దాల్చిన బాలిక!
పెరవలి, నవంబరు 16 (ఆంధ్రజ్యోతి): కన్నపేగు కాటేసింది. తూర్పు గోదావరి జిల్లా పెరవలి మండలానికి చెందిన ఓ లారీ డ్రైవర్కు భార్య, 15 ఏళ్ల కుమార్తె ఉంది. ఆమెపై కామాంధుడు కన్నేశాడు. మూడేళ్లగా ఆ చిన్నారిపై అత్యాచారానికి పాల్పడుతున్నాడు. అమ్మతో చెబితే ఇద్దరినీ చంపేస్తానని బెదిరించాడు. ఇటీవల ఆ బాలిక కదలికలపై తల్లికి అనుమానం కలిగి నిలదీయడంతో తన తండ్రి అకృత్యాలను తల్లికి చెప్పి బోరుమంది. ఆ బాలిక గర్భం దాల్చినట్టు సమాచారం. దీంతో ఆ మహిళ భర్తతో గొడవ పడగా.. తల్లీకూతుళ్లిద్దరినీ కొట్టి ఇంట్లో నుంచి గెంటేశాడు. ఆ మహిళ కుమార్తెను తీసుకుని బంధువుల సాయంతో శనివారం పెనుమంట్ర పోలీస్స్టేషన్లో ఫిర్యాదు చేయగా జీరో ఎఫ్ఐఆర్ నమోదు చేశారు. అక్కడి నుంచి కేసును పెరవలి పోలీసులకు బదలాయించారు.
