వాయు ‘వేగం’గా అమరావతి గ్రీన్ ఫీల్డ్ ఎయిర్పోర్టు
ABN , Publish Date - Apr 23 , 2025 | 12:47 AM
అమరావతి గ్రీన్ఫీల్డ్ ఎయిర్పోర్టుకు టెక్నో ఎకనమిక్ ఫీజిబిలిటీ రిపోర్టు (టీఈపీఆర్) రూపకల్పనకు కన్సల్టెంట్ కోసం ఏపీ ఎయిర్పోర్ట్స్ డెవలప్మెంట్ కార్పొరేషన్ (ఏపీఏడీసీఎల్) రిక్వెస్ట్ ఫర్ ప్రపోజల్ (ఆర్ఎప్పీ)ను విడుదల చేసింది. రాజధాని అమరావతిలో ఐదు వేల ఎకరాలలో గ్రీన్ఫీల్డ్ ఎయిర్పోర్టును నిర్మించాలని రాష్ట్ర ప్రభుత్వం నిర్ణయం తీసుకున్న నిర్ణయం నేపథ్యంలో ఏపీఏడీసీఎల్ అధికారులు టీఈపీఆర్ కోసం కన్సల్టెంట్ నియామకానికి శ్రీకారం చుట్టింది.
- ఆర్ఎఫ్పీ విడుదల
- టెక్నో ఎకనమిక్ ఫీజిబిలిటీ రిపోర్టు (టీఈపీఆర్) కోసం కన్సల్టెంట్ నియామకానికి శ్రీకారం
- ఆర్ఎఫ్పీ విడుదల చేసిన ఏపీఏడీసీఎల్..
- ఎంపిక చేసిన కన్సల్టెంట్కు 32 వారాల గడువు
- ఇన్నర్, అవుటర్ రింగ్ రోడ్డు మధ్య ప్రాంతంలో గ్రీన్ఫీల్డ్ ఎయిర్పోర్టు !
విజయవాడ, ఏప్రిల్ 22 (ఆంధ్రజ్యోతి): అమరావతి గ్రీన్ఫీల్డ్ ఎయిర్పోర్టుకు టెక్నో ఎకనమిక్ ఫీజిబిలిటీ రిపోర్టు (టీఈపీఆర్) రూపకల్పనకు కన్సల్టెంట్ కోసం ఏపీ ఎయిర్పోర్ట్స్ డెవలప్మెంట్ కార్పొరేషన్ (ఏపీఏడీసీఎల్) రిక్వెస్ట్ ఫర్ ప్రపోజల్ (ఆర్ఎప్పీ)ను విడుదల చేసింది. రాజధాని అమరావతిలో ఐదు వేల ఎకరాలలో గ్రీన్ఫీల్డ్ ఎయిర్పోర్టును నిర్మించాలని రాష్ట్ర ప్రభుత్వం నిర్ణయం తీసుకున్న నిర్ణయం నేపథ్యంలో ఏపీఏడీసీఎల్ అధికారులు టీఈపీఆర్ కోసం కన్సల్టెంట్ నియామకానికి శ్రీకారం చుట్టింది. రాజధాని అమరావతిలో ఎయిర్పోర్టు కోసం అవుటర్, ఇన్నర్ రింగ్ రోడ్డు మధ్య ప్రాంతంలో భూములను సమీకరించాలని ప్రభుత్వం ఆలోచన చేస్తోంది. ఈ దశలో సాంకేతిక, ఆర్థిక, సాఽధ్యాసాధ్యాల నివేదిక (టీఈపీఆర్)ను రూపొందించటానికి శ్రీకారం చుట్టడంతో శరవేగంగా అమరావతి గ్రీన్ఫీల్డ్ ఎయిర్పోర్టుకు అడుగులు పడుతున్నాయి. అమరావతి గ్రీన్ఫీల్డ్ ఎయిర్పోర్టు ఎక్కడ ఏర్పాటు చేయాలన్న దానిపై కూడా రిపోర్టులో కన్సల్టెన్సీ పొందుపరచాల్సి ఉంటుంది. సమగ్ర రిపోర్టు ఇవ్వటానికి కన్సల్టెన్సీ సంస్థకు 32 వారాల సమయాన్ని ఏపీఏడీసీఎల్ ఇస్తోంది. ఆసక్తి కలిగిన కన్సల్టెన్సీలు చేయాల్సిన సర్వేలపై కూడా ఆర్ఎఫ్పీలో సమగ్ర వివరాలను పొందుపరచటం జరిగింది. ముందుగా అమరావతి గ్రీన్ ఫీల్డ్ ఎయిర్పోర్టుకు సంబంధించి ప్రీ ఫీజిబిలిటీ స్టడీ చేయాల్సి ఉంటుంది. ఆ తర్వాత టెక్నో ఎకనమిక్ ఫీజిబిలిటీ స్టడీ నిర్వహించాల్సి ఉంటుంది. దీని తర్వాత ‘ఎయిర్పోర్టుకు సైట్ క్లియరెన్స్ ఎక్కడైతే ఇచ్చారో ఆ ప్రాంత భూమికి సంబంధించి కూడా సమగ్ర వివరాలు అందించాల్సి ఉంటుంది. విమానాశ్రయ ప్రతిపాదిత స్థలానికి సంబంధించి కూడా సర్వే నిర్వహించాల్సి ఉంటుంది. అమరావతి విమానాశ్రయ సమగ్రాభివృద్ధికి మాస్టర్ ప్లాన్ను తయారు చేయాల్సి ఉంటుంది. ఈ ప్రాజెక్టుకు ఫైనాన్షియల్ మోడల్ పై కూడా నివేదిక ఇవ్వాల్సి ఉంటుంది. పర్యావరణ, సోషల్ ఇంపాక్ట్ సర్వే కూడా నిర్వహించాల్సి ఉంటుంది. ప్రాజెక్టుకు ప్రభుత్వం సంస్థల నుంచి వివిధ దశలలో ఆమోదాలను సులభతరం చేయటం కోసం కూడా తగిన సూచనలు ఇవ్వాల్సి ఉంటుంది. వీటితో పాటు కన్సల్టెన్సీ సంస్థ డిమాండ్ - మార్కెట్ అసెస్మెంట్ స్టడీ, కేస్ స్టడీ, - బెస్ట్ ప్రాక్టీసెస్ వంటి రిపోర్టులను కూడా అందించాల్సి ఉంటుంది. విమానాశ్రయ నిర్మాణానికి అవసరమైన విస్తీర్ణం, కల్పించాల్సిన మౌలిక సదుపాయాలు, ట్రాఫిక్ డిమాండ్ అసెస్మెంట్ , ఎకనామిక్ - ఫైనాన్షియల్ వయబిలిటీ వంటి రిపోర్టులను కూడా కన్సల్టెన్సీ సంస్థ రూపొందించాల్సి ఉంటుంది. ఇవి కాకుండా ప్రధానంగా పాసెంజర్ టెర్మినల్, కార్గో టెర్మినల్స్ డిజైన్స రూపకల్పన చేయటంతో పాటు, కార్లు, బస్సులు, కార్గో వెహికల్స్కు పార్కింగ్ ప్లేస్లు నిర్ణయించటం, పర్యాటకులకు విమానాశ్రయంలోనే వసతి సదుపాయాలు, భద్రతాపరంగా తీసుకోవాల్సిన చర్యలు వంటివి కూడా సమగ్ర నివేదిక అందించాల్సి ఉంటుంది.
