ప్రయాణం కూల్‌గా...

దూర ప్రయాణాలంటే అందరికీ టెన్షనే. అలాంటి ప్రయాణాన్ని సులభంగా ఎలా ప్లాన్‌ చేసుకోవాలో చూద్దాం..

• ముందుగానే టికెట్లు, హోటల్‌ రూమ్‌ బుకింగ్స్‌ డీటైల్స్‌ చెక్‌ చేసుకోవాలి. దీని వల్ల చివరి నిమిషంలో టెన్షన్‌ ఉండదు.

• మంచినీళ్లకు ఇబ్బంది పడకుండా.. లీక్‌ప్రూఫ్‌ బాటిల్స్‌, ఎక్కువ బట్టలు పట్టడానికి ప్యాకింగ్‌ క్యూబ్స్‌ను ఉంచుకోవాలి.

• ఫోనుల్లో ఛార్జింగ్‌ తప్పనిసరి కాబట్టి పవర్‌ బ్యాంక్స్‌ను దగ్గర ఉంచుకుంటే మంచిది. కొన్ని ప్రదేశాల్లో ఛార్జింగ్‌ పోర్ట్స్‌ సరిగ్గా ఉండవు. అందువల్ల ఎడాప్టర్లు కూడా వెంట తీసుకువెళ్లాలి.

• ఈ మధ్యకాలంలో టిక్కెట్లతో పాటుగా ట్రావెల్‌ ఇన్సూరెన్స్‌లు లభిస్తున్నాయి. వీటివల్ల చాలా ప్రయోజనాలున్నాయి. కొద్దిగా ఖర్చు ఎక్కువైనా ట్రావెల్‌ ఇన్సూరెన్స్‌ చేయించుకోవటం మంచిది.

• వీలైనంత శ్రమను తగ్గించుకొనేలా టూర్‌ను ప్లాన్‌ చేసుకోవాలి. ఆరోగ్య సమస్యలు ఎదురైతే తట్టుకోవటానికి అవసరమైన మందులను కూడా తీసుకువెళ్తే మంచిది.

• ఖర్చు ఎక్కువైనా పరిశుభ్రమైన ఆహారం తీసుకోవడానికే ప్రయత్నించండి. అలాగే తప్పనిసరిగా శానిటైజర్‌ బ్యాగ్‌లో ఉంచుకోండి.

• అలాగే మంచి నిద్ర కూడా అవసరం. దీనివల్ల రీచార్జ్‌ అవుతారు. ఉదయం లేవగానే కాసేపు వాకింగ్‌ చేయండి. కొత్త ప్రాంతాల్లో నడవటం వల్ల ఆహ్లాదంగా, ఉల్లాసంగా ఉంటుంది.