Today Horoscope : ఈ రాశి వారికి ఆర్థిక సంస్థలతో పనులు పూర్తవుతాయి.

07-02-2025 శుక్రవారం

మేషం (మార్చి 21 - ఏప్రిల్‌ 20 మధ్య జన్మించిన వారు) సన్నిహితులతో ప్రయాణాలు, చర్చలు ఆనందం కలిగిస్తాయి. బంధుమిత్రులతో వేడుకల్లో పాల్గొంటారు. ఆర్థిక విషయాల్లో మీ అంచనాలు ఫలిస్తాయి. యూనియన్‌ కార్యకలాపాలకు అనుకూలం. కాంట్రాక్టులు, అగ్రిమెంట్లు లాభిస్తాయి.

వృషభం ( ఏప్రిల్‌ 21 - మే 20 మధ్య జన్మించిన వారు) ఆర్థిక పరిస్థితి ప్రోత్సాహకరంగా ఉంటుంది. సంకల్పం నెరవేరుతుంది. షాపింగ్‌ ఉల్లాసం కలిగిస్తుంది. వేడుకల్లో పాల్గొంటారు. బోనస్‌లు, ఇంక్రి మెంట్లు అందుకుంటారు. పెద్దల సహకారంతో ఆర్థికపరమైన లక్ష్యాలు సాధిస్తారు. శ్రీ దుర్గామాత ఆరాధన శుభప్రదం.

07-02-2025 శుక్రవారం

మిథునం (మే 21 - జూన్‌ 21 మధ్య జన్మించిన వారు) బంధుమిత్రులతో వేడుకల్లో పాల్గొంటారు. ఉత్సవాలు, పూజలు మనసుకు సాంత్వన కలిగిస్తాయి. ప్రయాణాలు చర్చలు ఫలిస్తాయి. నూతన భాగస్వామ్యాలకు, కొత్త పనులు ప్రారంభానికి అనుకూల సమయం. లలితా సహస్రనామ పారాయణ శుభప్రదం.

07-02-2025 శుక్రవారం

కర్కాటకం (జూన్‌ 22 - జూలై 23 మధ్య జన్మించిన వారు) దీర్ఘకాలంగా వాయిదా పడుతున్న పనులు పూర్తవుతాయి. ఆరోగ్యం మెరుగుపడతుంది. రాజకీయ, సినీ రంగాల వారికి ఆర్థికంగా ప్రోత్సాహకరంగా ఉంటుంది. రుణ ప్రయత్నాలు ఫలిస్తాయి. ఒక సమాచారం ఆనందం కలిగిస్తుంది.

07-02-2025 శుక్రవారం

సింహం ( జూలై 24 - ఆగస్టు 23 మధ్య జన్మించిన వారు) వేడుకలు, శుభకార్యాల్లో పాల్గొంటారు. బందుమిత్రుల కలయిక ఆనందం కలిగిస్తుంది. శ్రీవారు, శ్రీమతి వైఖరి ఆ ఉల్లాసం కలిగిస్తుంది. ప్రియతముల కోసం విలువైన వస్తువులు కొనుగోలు చేస్తారు. కొత్త పరిచయాలు లాభిస్తాయి. పందాలు, పోటీల్లో విజయం సాధిస్తారు.

07-02-2025 శుక్రవారం

కన్య (ఆగస్టు 24 - సెప్టెంబరు 23 మధ్య జన్మించిన వారు) వృత్తి, వ్యాపారాల్లో ప్రోత్సాహకరంగా ఉంటుంది. కుటుంబ సభ్యులతో ఆనందంగా గడుపుతారు. ఫార్మా, వైద్యం, వ్యవసాయం, హోటల్‌, క్యాటరింగ్‌ రంగాల వారికి ప్రోత్సాహకరంగా ఉంటుంది. ఉద్యోగ ప్రయత్నాలు ఒక కొలిక్కి వస్తాయి.

07-02-2025 శుక్రవారం

తుల (సెప్టెంబరు 24 - అక్టోబరు 23 మధ్య జన్మించిన వారు) మీలోని సృజనాత్మక ప్రతిభకు గుర్తింపు లభిస్తుంది. చిన్నారులు, ప్రియతముల నుంచి ముఖ్యమైన సమాచారం అందుకుంటారు. సమావేశాలు, వేడుకల్లో పాల్గొంటారు. సినిమాలు, టెలివిజన్‌, న్యాయ, బోధన, రవాణా రంగాల వారికి ఆర్థికంగా ప్రోత్సాహకరంగా ఉంటుంది.

07-02-2025 శుక్రవారం

వృశ్చికం (అక్టోబరు 24 - నవంబరు 22 మధ్య జన్మించిన వారు) నిర్మాణ రంగం వారికి ఆర్థికంగా ప్రోత్సాహకరంగా ఉంటుంది. షాపింగ్‌ ఉల్లాసం కలిగిస్తుంది. కుటుంబ సభ్యుల సహకారంతో ఆర్థికపరమైన లక్ష్యాలు సాధిస్తారు. భూమి, ఇల్లు కొనుగోలుకు అవసరమైన నిధులు అందుతాయి. గోసేవ శుభప్రదం.

07-02-2025 శుక్రవారం

ధనుస్సు (నవంబరు 23 - డిసెంబరు 21 మధ్య జన్మించిన వారు) జనసంబంధాలు విస్తరిస్తాయి. భాగస్వామి గురించి కీలక సమాచారం అందుకుంటారు. కాంట్రాక్టులు, అగ్రిమెంట్లు లాభిస్తాయి. బంధుమిత్రులతో ఉల్లాసంగా గడుపుతారు. చర్చలు, ప్రయాణాలు ఫలిస్తాయి. వేడుకల్లో పాల్గొంటారు.

07-02-2025 శుక్రవారం

మకరం (డిసెంబరు 22-జనవరి 20 మధ్య జన్మించిన వారు) ప్రమోషన్లు, ఇంక్రిమెంట్లు అందుకుంటారు. వైద్య సేవలకు అవసరమైన నిధులు అదుతాయి. సినిమాలు, రాజకీయ రంగాల వారికి ఆర్థికంగా ప్రోత్సాహకరంగా ఉంటుంది. విందు వినోదాల్లో పాల్గొంటారు. శ్రీ మహాలక్ష్మి ఆరాధన శుభప్రదం.

07-02-2025 శుక్రవారం

కుంభం (జనవరి 21 - ఫిబ్రవరి 19 మధ్య జన్మించిన వారు) ఆర్థిక విషయాల్లో ఒక నిర్ణయానికి వస్తారు. బ్యాంకులు, ఆర్థిక సంస్థలతో పనులు పూర్తవుతాయి. స్టాక్‌మార్కెట్‌ లావాదేవీలు లాభిస్తాయి. బృందకార్యక్రమాలు ఉల్లాసం కలిస్తాయి. సమావేశాల్లో కీలకపాత్ర పోషిస్తారు. కనకధారా స్తోత్ర పారాయణ శుభప్రదం.

07-02-2025 శుక్రవారం

12-12-2024  గురువారం

మీనం(ఫిబ్రవరి 20 - మార్చి 20 మధ్య జన్మించిన వారు) కుటుంబ వ్యవహారాల్లో మంచి పరిణామాలు జరుగుతాయి. రియల్‌ ఎస్టేట్‌, నిర్మాణ రంగాల వారికి గత అనుభవం తోడ్పడుతుంది. చేపట్టిన పనులు పట్టుదలతో పూర్తి చేస్తారు. బంధుమిత్రుల కలయికతో ఇల్లు సందడిగా ఉంటుంది.