స్నేహితుడిని నమ్మి ఐస్‌క్రీమ్ పార్లర్‌కు వెళ్లడమే ఆమె చేసిన తప్పు.. తర్వాత ఆమె ఎంత నరకం చూసిందంటే..

ఆమె తన స్నేహితుడు పిలిస్తే ఐస్‌క్రీమ్ పార్లర్‌కు వెళ్లింది.. అక్కడ ఐస్‌క్రీమ్ తిన్న తర్వాత ఆ యువకుడు ఆమెను తన గదికి తీసుకెళ్లి అత్యాచారం చేశాడు.. అంతేకాదు ఆ ఘటనను వీడియో తీశాడు.. ఆ వీడియోను స్నేహితులకు పంపించాడు.. వారు కూడా ఆమెను బ్లాక్‌మెయిల్ చేసి తమ వాంఛ తీర్చుకున్నారు.. అలా పలువురు స్నేహితులు ఆమెపై అత్యాచారానికి పాల్పడ్డారు.. రాజస్థాన్‌లోని చురులో ఈ ఘటన జరిగింది. 

చురులోని కొత్వాలి ప్రాంతానికి చెందిన యువతిని ఆరు నెలల క్రితం ఆమె స్నేహితుడు ఐస్‌క్రీమ్ పార్లర్‌కు తీసుకెళ్లాడు. ఐస్‌క్రీమ్ తిన్న తర్వాత తన ఇంటికి తీసుకెళ్లాడు. ఆ సమయంలో ఇంట్లో ఎవరూ లేకపోవడంతో ఆమెపై ఆ యువకుడు అత్యాచారానికి పాల్పడ్డాడు. ఆ ఘటనను సెల్‌ఫోన్‌లో వీడియో తీశాడు. ఎవరికైనా చెబితే వీడియో లీక్‌ చేస్తానని బెదిరించాడు. ఆ తర్వాత ఆమెపై పలుమార్లు అత్యాచారానికి పాల్పడ్డాడు. ఆ తర్వాత ఆ వీడియోను తన ఫ్రెండ్‌కు పంపాడు. వారిద్దరూ కలిసి కూడా ఆమెపై సామూహిక అత్యాచారానికి పాల్పడ్డారు. 

ఆ తర్వాత మరో నలుగురు యువకులు కూడా ఆ వీడియో చూపించి బెదిరించి బాధితురాలిని అత్యాచారం చేశారు. ఆ బాధ భరించలేక ఆ యువతి ఆత్మహత్య చేసుకోవాలనుకుంది. ఇంట్లో ముభావంగా ఉండడంతో తల్లి ఆమెను నిలదీసింది. దీంతో ఆ యువతి తన తల్లికి విషయం మొత్తం చెప్పింది. అనంతరం తల్లి సహాయంతో మహిళా పోలీసులకు ఫిర్యాదు చేసింది. కేసు నమోదు చేసుకున్న పోలీసులు ఆరుగురు నిందితులను అదుపులోకి తీసుకున్నారు.