Abn logo
Oct 2 2020 @ 00:31AM

నీ బాట అనుసరణీయం

విపత్కర సమయాన

అరవిరిసిన 

ముద్దమందారంలా

స్వరాజ్య ఉద్యమ 

సింధువులో

శాంతి సహనాలు

విపంచికలుగా చేసుకొని

బానిస బతుకులలో

అలసిన మనసులలో

బోసినవ్వులతో 

అమృతాన్ని చిలికించి

జాతిని ఏకతాటిపై నిలిపి

శ్వేతజాతి గుండెల్లో మంచుపిడుగై

అహింసా శస్త్రంతో

నిరంకుశ పర్వతాన్ని 

పెకిలించి

సత్యమనే క్షిపణితో

బానిస సంకెళ్ళు తెంచి

స్వేచ్ఛా భారతిని సాక్షాత్కరింపచేసి

మలయజ సమీరంలా

జనులను సేదదీర్చి

కుసుమవస్త్రాలు పరచిన

నీ మార్గం...

సృష్టి ఉన్నంతవరకు అమరం

అందుకే ఓ మహాత్మా!

ఓ మహర్షీ!

జాతి మరువదు నిన్ను

ఎన్ని తరాలయినా!

ఎన్ని యుగాలైనా!

వేమూరి శ్రీనివాస్

Advertisement
Advertisement