ఓజోన్‌ పొరను రక్షిద్దాం
ABN , First Publish Date - 2021-09-17T05:35:21+05:30 IST
ఓజోన్‌ పొర దెబ్బతిని వాతావరణం అస్తవ్యస్తంగా ఉందని, ఓజోన్‌ పొర రక్షించుకోవాల్సిన బాధ్యత అందరిపై ఉం దని సీఎస్‌ఎన్‌ కళాశాల వ్యవస్థాపకుడు డాక్టర్‌ చీడే సత్యనారాయణ అన్నారు.
కాలేజీ విద్యార్థులతో అవగాహన ర్యాలీలు, ప్రతిజ్ఞలు
భీమవరం ఎడ్యుకేషన్‌, సెప్టెంబరు 16 : ఓజోన్‌ పొర దెబ్బతిని వాతావరణం అస్తవ్యస్తంగా ఉందని, ఓజోన్‌ పొర రక్షించుకోవాల్సిన బాధ్యత అందరిపై ఉం దని సీఎస్‌ఎన్‌ కళాశాల వ్యవస్థాపకుడు డాక్టర్‌ చీడే సత్యనారాయణ అన్నారు. శ్రీవిజ్ఞాన వేదిక ఆధ్వర్యంలో గురువారం సీఎస్‌ఎన్‌ కళాశాలలో అంతర్జాతీయ ఓజోన్‌ పొర పరిరక్షణ దినోత్సవం నిర్వహించారు. ఈ సందర్భంగా కళాశాల ప్రిన్సిపాల్‌ ఎస్‌.సత్యనారాయణ, నిర్వాహుకుడు చెరుకువాడ రంగసాయి మాట్లా డారు. అనంతరం ప్రతిజ్ఞ నిర్వహించి, గొడుగులు, గ్లోబ్‌లతో ర్యాలీ నిర్వహించారు. లయన్స్‌ క్లబ్‌ సభ్యులు నరహరిశెట్టి కృష్ణ, పర్యావరణ శాస్త్రవేత్త మట్లపూడి సత్యనారాయణ, బొమ్మదేవర ప్రభాకర్‌, గెడ్డం భాస్కరరావు, పాల్గొన్నారు.
బీజీబీఎస్‌ కళాశాలలో..
నరసాపురం టౌన్‌, సెప్టెంబరు 16 : ప్రకృతిని రక్షిస్తే... అది మన జీవన విధానాన్ని, ఆరోగ్యానికి కాపాడుతుందని బీజీబీఎస్‌ కళాశాల కరస్పాండెంట్‌ నూలి శ్రీనివాస్‌ అన్నారు. గురువారం అంతర్జాతీయ ఓజోన్‌ పొర దినోత్సవాన్ని పురస్కరించుకుని కళాశాల ఆధ్వర్యంలో అవగాహన ర్యాలీ నిర్వహించారు. ఈ సందర్భంగా ఇన్‌చార్జి ప్రిన్సిపాల్‌ రాధ మాట్లాడారు. రిటైర్ట్‌ ప్రిన్సిపాల్‌ అమ్మాజీ, అధ్యాపకులు మధుషాలిని, నీరజ, ఝాన్సీ పాల్గొన్నారు.
