Live
TV
భార్య వద్దంటున్నా.. మరోసారి చూడనీ అన్న భర్త.. మరుక్షణంలో మారిపోయిన సీన్.. ఒక్కసారిగా..
ABN , First Publish Date - 2022-05-04T02:40:56+05:30 IST
నందరి ఇళ్లల్లో సాధారణంగా జరిగేదే వారింట్లోనూ జరిగింది. భార్య ఓ లాటరీ టెక్కెట్ కొంది. అందులోని నెంబర్ చూసి మనకు టైం బాలేదనుకుంటూ దాన్ని చెత్తలో పారేయబోయింది. కానీ
ఎన్నారై డెస్క్: మనందరి ఇళ్లల్లో సాధారణంగా జరిగేదే వారింట్లోనూ జరిగింది. భార్య ఓ లాటరీ టిక్కెట్ కొంది. అందులోని నెంబర్ చూసి మనకు టైం బాలేదనుకుంటూ దాన్ని చెత్తలో పారేయబోయింది. కానీ భర్త ఆమెను అడ్డుకున్నాడు. భార్య వద్దంటున్నా వినకుండా మరోసారి టిక్కెట్ నెంబర్ చూద్దామన్నాడు. చివరకు సరేనన్న భార్య అతడికి టిక్కెట్ ఇచ్చింది. ఈ క్రమంలో అతడు మరోసారి టిక్కెట్ నెంబర్‌ను చెక్ చేయగా.. టీవీలో చూపిస్తున్న నెంబర్‌తో అది సరిపోలడంతో అతడు ఒక్కసారిగా ఆశ్చర్యపోయాడు. లాటరీ తగిలిందంటూ ఎగిరి గంతేశాడు.
ఇటీవల.. ఆస్ట్రేలియాకు చెందిన ఓ జంట జీవితంలో అదృష్టం ఇలా అనూహ్యంగా కాలు పెట్టింది. క్షణకాలంలో వారు లక్షాధికారులైపోయారు. భర్త జాగ్రత్త కారణంగా ఆమె ఏకంగా లక్ష డాలర్ల విలువైన లాటరీ గెలుచుకుంది. మన కరెన్సీలో చెప్పాలంటే ఇది దాదాపు రూ.76 లక్షలకు సమానం. తాను ప్రతివారం టిక్కెట్లు కొంటానని, అయితే.. ఏనాడు లాటరీ తగల్లేదని ఆమె మీడియాతో చెప్పుకొచ్చింది. ఈ డబ్బుతో తాము ఓ కారు కొనుక్కోవడంతో పాటూ కొంత మొత్తాన్ని తమ పిల్లలకు కూడా ఇస్తామని చెప్పింది.
