Abn logo
Oct 30 2020 @ 19:00PM

ఎన్నికల ముంగిట రిపబ్లికన్ నేతలకు షాక్.. పంజా విసిరిన హ్యాకర్లు!

Kaakateeya

వాషింగ్టన్: ఎన్నికల ఖర్చు కోసం రిపబ్లికన్ నేతలు కూడబెట్టిన డబ్బును సైబర్ నేరగాళ్లు కాజేసిన ఘటన విస్కాన్సిన్‌లో చోటు చేసుకుంది. వివరాల్లోకి వెళితే.. అమెరికా అధ్యక్ష ఎన్నికల్లో అభ్యర్థుల గెలుపు ఓటములను డిసైడ్ చేసే రాష్ట్రాల్లో విస్కాన్సిన్ కూడా ఒకటి. ఈ విస్కాన్సిన్‌లో 10 ఎలక్టోరల్ ఓట్లు ఉన్నాయి. ఈ క్రమంలో ఇరు పార్టీల నేతలు ఈ రాష్ట్రంపై ప్రత్యేకంగా దృష్టిసారించారు. ఇందులో భాగంగా ఎన్నికల నేపథ్యంలో విస్కాన్సిన్‌ రాష్ట్రంలో ఖర్చు చేయడం కోసం రిపబ్లికన్ పార్టీ నేతలు విరాళాల రూపంలో భారీగా డబ్బును సేకరించారు. ఆ డబ్బును పార్టీ బ్యాంక్ అకౌంట్‌లో జమచేశారు. కాగా రిపబ్లికన్ పార్టీ నేతలకు షాకిస్తూ.. పార్టీ అకౌంట్‌లో జమ చేసిన డబ్బును సైబర్ నేరగాళ్లు దొంగిలించారు. ఈ విషయాన్ని స్వయంగా రిపబ్లికన్ పార్టీ చైర్మన్ ఆండ్రూ హిట్టే తెలిపారు. విస్కాన్సిన్ రిపబ్లికన్ పార్టీ అకౌంట్‌ నుంచి సుమారు 2.3 మిలియన్ డాలర్లను హ్యాకర్లు కాజేశారని వెల్లడించారు. అక్టోబర్ 22న అనుమానాస్పద లావాదేవీలు జరిగనట్లు గుర్తించామన్నారు. ఈ ఘటనపై ఎఫ్‌బీఐకి ఫిర్యాదు చేసినట్లు చెప్పారు. ఎఫ్‌బీఐ దర్యాప్తును కూడా ప్రారంభించిందని పేర్కొన్నారు. 

Advertisement

తాజా వార్తలుమరిన్ని...

Advertisement